س: لم يرد أنه صلى الله عليه وسلم ولا الصحابة عملوا حضرة وانها أتت متأخرة، وطالما أن لها أهمية كبرى، فلماذا لم تقام في أيام النبي صلى الله عليه وسلم؟ مولانا الشيخ: النبي صلى الله عليه وسلم جاب الدين، يلزم في الزمن ده إيه؟ الجهاد، مايلزمش حضرة {واعدوا لهم ماستطعتم من قوة ومن رباط الخيل ترهبون به عدو الله وعدوكم} كان في الزمن ده إيه؟ الجهاد، والصحابة كلهم لغاية آخر صحابى كانوا بيجاهدوا، لوكان الجهاد في زمن النبي صلى الله عليه وسلم، سيدنا أبوبكر جاهد ليه؟ ورجع جيش الردة ليه؟ وسيدنا عمر فتح الأمصار كلها ليه؟ برضه جهاد مستمر، اذا كان سيدنا عمر، هو كفاية، سيدنا عثمان وسيدنا على كلهم جاهدوا ليه؟ كل زمن الصحابة كان يلزمه الجهاد، ومن التابعين يلزم إيه؟ جمع الدين، مش مثلا أنا راجل أكبر منك، وشايب وانت ابنى وتلميذى وكل حاجة، مامن حقى أغالطك في الطب علشان انت دكتور، علشان ده اختصاصك، الصحابة كلهم في الجهاد، الواحد يملك مليم يوديه في الجهاد، يملك 10 قروش يوديها الجهاد، ولده يكبر يكون معاه في الجهاد مرته قوية تكون معاه في الجهاد، كان الزمن المطلوب، بتاع الزمن كان الجهاد وده من عظمة معرفة النبي صلى الله عليه وسلم دين ربنا. زمن التابعين الجهاد مافى، جم الرؤساء لموا الدين، الامام أبوحنيفة والامام مالك مالموش الدين من صراف، لموا الاحاديث اللى يلزم المسلمين، ده الماء الطهور، ده الطاهر، الوضوء، الصلاة، الزكاة، لموا الاحاديث اللى بيلزم المسلمين علشان فك رقبتهم. مجلس في الخلفاء الأربعة س: ما معنى الآية {سيماهم في وجوههم}؟ مولانا الشيخ: دول الصحابه والخلفاء الأربعه، الآية تقول {محمد رسول الله والذين معه ..} هل أنت منهم !!