س: من هم أهل التصاريف السبعه، وهل تصاريفهم زى تصاريف باقى الأولياء؟ مولانا الشيخ: سيدنا الحسن وسيدنا الحسين وستنا السيده زينب والاقطاب الاربعه، لكن هم تصاريفهم مخصصه مش زى باقى الاولياء، فيه تصاريف في مرتبة القدره دى موطن الاسماء بتاع صاحب الوقت يتصرف بكل الأسماء، أعلى منه المشيئه بتاع الفرد، أعلى منه الإراده بتاع الفرد الجامع، أعلى منه الأمر بتاع الفرد الجامع الكبير، صاحب الوقت يتصرف بكل الأسماء أعلى منه كده، وفيه من الاولياء يتصرف باسم واحد او اكثر، لكن الكل ما يكون مُعِين، تصاريف كل الاسماء لنفر واحد (الغوث). مجلس في الصحابة واختصاصاتهم س: بالنسبة للصحابة هل أخذوها بالاصطفاء أو بالمشاهدة؟ مولانا الشيخ: أولا الصحابة كلهم مصطفين، النبي لما اصطفى، اصطفى الصحابة الأول، وبعدين الصحابة ذاتهم أصناف، لما نقول {وإذا سألك عبادى عنى فإنى قريب} الصحابة كلهم مصطفين، ودول خلاصة الخلاصة، فالصحابة أصناف أصناف. س: مامعنى {ولقد يسرنا القرآن للذكر}؟ مولانا الشيخ: الصحابة كانوا كثيرين، كتاب الوحى كانوا 77 نفر، بسبب كانت رجليهم بتخدر، ولما نزلت هذه الآية كان الواحد يكتب 70 آية وأكثر ولايتعب. سئل النبي صلى الله عليه وسلم في حديث سيدنا جابر المشهور في الكتاب، فعادة الصحابة كان عندهم بعض إختصاصيات، بعضهم يسألوا دايما عن أسباب الفتن زى سيدنا أبا ذر دايما يسأل عن اللى ينجى الأمة، أبا ذر، حديث (رغم أنف أبا ذر) سيدنا أبا ذر يسأل دايما عن سعة الفضل، اللى راح ينجى الأمة من العذاب، وعمار وغيره كان عندهم إختصاصيات، سيدنا جابر كان يسأل عن أحاديث القدرة وأحاديث البدأ دايما. كان فيه كثير من الصحابة رضوان الله عليهم يختصوا ببعض أشياء، مثلا سيدنا زيد، سيدنا معاذ للأحكام، حذيفة لصفات المنافقين، سيدنا أبوذر بفضل العلماء، كان فيه اختصاصات عند بعض الصحابة.