الجواب : ما بتتعرف .. ربنا على كيفه مع أوليائه وفيه قصص كثير زي كده .
سؤال : لفظة اللوح .. تفيد حاجة مجسدة في شكل لوح ؟ الجواب : لا .. واللوح مخلوق من نور النبي صلى الله عليه وسلم .
سؤال : يقولون إن ربنا لما قال للقلم اكتب يا قلم فالقلم خاف ؟ الجواب : رجف وانشق .. ده اللي حصل . قال له اكتب .. خاف ورجف .. انشق ولذلك القلم لازم يكون مشقوق .. قال له اكتب : رحمتي وسعت غضبي .. أمة مذنبة ورب غفور .
( الشيخ ... والمحبة )
سؤال : سيدتك قلت أن محبة المريد للشيخ تفيد المريد أكثر من محبة الشيخ للمريد ونحن نعرف أن فيه أولياء كبار يكملون 12000 في نظرة واحدة فهل دي بره ؟ الجواب : بالميزان كيف ؟ خصوصية .
سؤال : أقصد لازم يكون 12000 دول عندهم محبة للشيخ ؟ الجواب : ما معروف ـ حاجته يقسمها على كيفه .. إنما الاعتيادي شرطاً يكون بيحب الشيخ أكثر علشان يستفيد منه .. ناس أحوالهم تحير ولا تخضع لأي علوم أو مقاييس .
سؤال : ولفظة لهم ما يشاءون ( عند ) ربهم .. دي في موطن الربوبية بس ؟ الجواب : بس الوعد كده .
سؤال : والولي بعد انتقاله داخل في الربوبية أو ما داخل ؟ الجواب : أيوه لغاية الحشر .
سؤال : عن ( حبل ممدود من السماء إلى الأرض ) وأن البعض فسر هذا الحبل بالآية ( واعتصموا بحبل الله جميعاً ) ؟ الجواب : صحة الحديث : ماذا في الأمر وقد تركت لكم الثقلين .. كتاب الله وعترتي .. أهل بيتي ـ نبأني العليم الخبير أنهما اتفقا ولن يفترقا حتى يردا على الحوض وإني لسائلكم عليهم ــــــــ يوم القيامة . ده الحديث .. وده آخر كلام النبي صلى الله عليه وسلم .
سؤال : ما معنى ( واعتصموا بحبل الله جميعا ) ؟ الجواب : الدين كله .. الشريعة .. الطريقة .. الحقيقة .. كلهم هو الدين .. ( فلولا نفر من كل فرقة منهم طائفة ليتفقهوا في الدين ) مجموع الدين . فيه ناس بتقول الشريعة هي المهم والطريقة ما مهم .. فين نصهم ؟