سؤال : في مصر اللي بيحدد ميعاد المولد هو وزارة الأوقاف . تحدد بمعرفتها بداية المولد ونحن نحتفل بالليلة الختامية حسب هذا التحديد . فهل هذا معتمد عن الأولياء ولا لا ؟ الجواب : لو لم يكن معتمد ما كان اتعمل .. والسيد البدوي عنده قصة مع عبد الوهاب الشعراني بيحكيها بيقول أنا تأخرت عن مولد السيد البدوي .. رجعني ثاني وقال لي لازم تيجي طنطا برجلك .. من باب الشعرية لغاية طنطا ماشي على رجليه علشان اتأخر عن المولد . السائل : أول ما دخلنا الطريقة كنا نزور الأولياء سيراً على الأقدام في مجموعات . الجواب : ده كويس خالص .
سؤال : ما أحسن حاجة الواحد يقدمها هدية للولي ؟ الجواب : ما فيش أحسن من الصمدية والفاتحة .
سؤال : هل العلم كله موجود في الكرسي ؟ الجواب : ليه .
سؤال : مش وسع كرسيه السموات والأرض ؟ الجواب : ده موطنه الكرسي .. مش وسع العلم . السائل : ( قرأ آية الكرسي ) .. يعلم ما بين أيديهم وما خلفهم ولا يحيطون بشئ من علمه ... ( بأي شئ ) من علمه ( إلا بالشئ اللي هو اداه لهم ... والشئ ده ذاته كله حطه في الكرسي ) يعني العلم في الكرسي .. ؟ الجواب : لا أبداً .
سؤال : أنا لا أقصد علم الله ـ إنما العلم اللي الأولياء بيتعلموه ؟ الجواب : أيوه كده .
سؤال : يعني العلم كله بتاع الأولياء محطوط في الكرسي ؟ الجواب : أيوه .. وبره منه ما في حد يعرف أي حاجة أبداً . ولا يؤده حفظهما وهو العلي العظيم .. هم ذاتهم الكبار الشفعاء دول ما يقدروش يحفظوا العلم اللي عندهم واللي يحفظه عليهم ربنا .
سؤال : يقولون علم الكرسي بالنسبة للوح المحفوظ كقطرة في بحر .. وعلم اللوح المحفوظ بالنسبة للقلم زي كده وبعدين المطبوع على قلب النبي آدم جاي من اللوح المحفوظ . فهل يكون علم النبي آدم المطبوع على روحه أعلى من علم اللوح المحفوظ ؟