يعني ليه دخله الجنة .. وقال له لا تأكل .. وبعدين يطلعه من الجنة .. ليه الحكاية دي كلها ؟ مادام هو مخلوق أصلاً علشان يكون في الأرض ؟ الجواب : لا يسأل عما يفعل ، على كيفه .. دي حكم إلهية دبرها هو .. دي السبب .. وربنا هو مسبب السبب . زي الطاقية دي .. أنا عملتها علشان أضعها على رأسي ، لا ينفع الحذاء ولا أي شئ آخر . لكن أنت تعرف أن السبب ومسبب السبب هو ربنا .
سؤال : لا يصح لنا أن نسأل .. ليه ربنا دخل آدم الجنة .. ؟ وليه أكل التفاحة ؟ الجواب : أصلاً كلمة ( ليه ) بالنسبة لربنا لا تجوز . لا يسأل عما يفعل ، هو يعمل زي ما هو عاوز ، ربنا لا يشاورك علشان تبدي رأيك ؟
سؤال : يعني آدم ما كانش غلطان ؟ الجواب : آدم ما كانش غلطان .. ليه ؟ - ( وعصى آدم ربه فغوى ) إذا شفت هذه الآية بهذا اللفظ تجد آدم غلطان . - ولكن إذا شفتها من ناحية ( ولقد عهدنا إلى آدم من قبل فنسي ولم نحد له عزما ) هو مش من أولي العزم من الرسل ولذلك نسي .
سؤال : فيه ناس قالوا الحكاية ليست أكل آدم من التفاحة في الجنة .. لكن حصل اتصال جنسي بين آدم وحواء ولذلك ربنا أخرجهم ؟ الجواب : ليس هذا صحيح ، هي زوجته ( اسكن أنت وزوجك الجنة ) لما أبونا آدم خارج من الجنة عاوز يقرب السيدة حواء ـ الملائكة قالوا له ادفع مهرها .. قال مهرها كام ؟ قالوا صلي على النبي 10 مرات .. فصلاة النبي 10 مرات كانت مهر أمنا حواء وكانت زوجة آدم وربنا قال ( اسكن أنت وزوجك الجنة ) . احنا لا ندور على الحكمة .
سؤال : ما فيش حاجة تتعمل من ربنا لا يكون فيها فائدة ، لازم فيها فائدة ؟ الجواب : هذا كلام العقل .. لكن خلي العقل ومعقولاته . النبي ربنا خلقه خلاه جميل ونظيف وطاهر وبيحبه .. هل فيه علة ؟ إذا عبده فهو اللي عَبَّده وإذا كان جميل فهو اللي جمله فكان بيحبه ليه؟ ما لها لزوم إنك تعرف .
سؤال : وموضوعنا ( كمريدين ) بالرؤيا ؟