الجواب : خلي الكلام ده .. ده بيعطل ولا يخلكش تنتبه للسير ، بيخليك تنتبه إلى الرؤيا ولا تنتبهش إلى الغاية ـ وعدم شوفان الرؤيا أحسن ، واللي يشوف الرؤيا وينساها ده كويس لأن معناها أنه مش بيلتفت إلى الرؤيا واللي يعرف وحي الإلهام هو اللي يعرف تعبير الرؤيا ، أم العشرة ( أخوة سيدنا يوسف ) هي اللي ماتت وسيدنا يعقوب تزوج وحدة ثانية ، ولدت سيدنا يوسف وسيدنا بنيامين .. التاريخ يعرفوه من الدين والدين هو سند التاريخ .
سؤال : عند قراءة الأوراد هل نركز على المعنى أو على صورة الشيخ ؟ الجواب : الاثنين ـ التركيز في ده وده .
سؤال : سمعت واحد من الإخوان بيقول أثناء قراءة الأوراد تضع صورة الشيخ أمامك ؟ الجواب : لا لا ليس ذلك .. غمض عين الرأس وفتح عين القلب ( البصيرة ) .
سؤال : الولي بيوصل بذكر القلب والا اللسان أو كل الحاجات دي ؟ الجواب : الولي حاجة خارجة عن دول كلهم ، ربنا تولاه وولاه على شئ أو أخذه عنده .. ربنا تولاه من الأغيار .. أو أخذه عنده أو ولاه على موطن معين.. دي حالة الولي .. لكن احنا بنتكلم في السكة ، بنتكلم في الطريق .. الطريق لازم الإنسان يكون عنده ذكر لسان فذكر قلب وكده .. سواء كان ولي أو غير ذلك .. السكة كده .. أما ربنا يتولاه أو لا يتولاه ده مش شغلنا .
سؤال : وكيف ربنا يوليه على موطن معين . احنا عارفين أن أرباب الأحوال هم اللي ماسكين دركات وحاجة زي كده ؟ الجواب : الأولياء السالكين دول زي الموظفين والمجاذيب زي الجمارك .. فالمجاذيب بيأتمروا بأمر السالكين في المناطق دي . سؤال : الولي لما خلاص يبقى ولي .. السير يبقى في أي مرحلة من مراحل الذكر ؟ الجواب : على كيف المشايخ ـ السالك ـ سالكين واحد يرفعوه لفوق وبعدين ينزلوه ، دول هم المجاذيب ـ أما السالكين فدول طوالي يمشوا لغاية ما يصلوا .. فالمجذوب لا يعرف المراتب اللي فيها السالك .
سؤال : خرق العادة هل هي من علامات الولي ؟