الجواب : ده المحشر فيه كل الناس من أولهم لأخرهم .. ربنا عاوز يحاسبهم بيجي والا يروح ؟ ده في المحشر والا في الوجود المطلق ؟ .. في المحشر .
سؤال : مثلاً سيدتك كتب في الحجرة وجئت هنا لإلقاء الدرس . ولكن ربنا أصلاً موجود في كل مكان ؟ الجواب : لفظ المكان ( المكان حاجة ظرفية ) أول حاجة اسمها المكان كان العرش وأول حاجة اسمها الزمان : كان الأيام ، الأيام ظهرت بعد خلق السموات والأفلاك ربنا لا في زمان ولا في مكان ، والنبي ولا في زمان ولا في مكان ، فكونك تقول كان في مكان وجاء .. ده لا يصح .
سؤال : والنبي كمان ؟ قبل الرفيق الأعلى أو بعد ذلك ؟ الجواب : قبل الرفيق الأعلى ( يعني وهو وحي ) كان في مكة والمدينة ( مكانه ) ولكن روحه كانت فين ؟ .. هل أتى على الإنسان حين من الدهر لم يكن شيئاً مذكورا . إنا خلقنا الإنسان من نطفة أمشاج نبتليه فجعلناه سميعاً بصيرا .. دي معناها يا أيها الرسول مر عليك زمن من الأزمنة لم يكن غيرك مخلوق .. ده اسمه لا زمان ولا مكان الوجود في الزمان والمكان كان للجسد فقط أبوه معروف وأمه معروفة وبلده معروف فهذا للمكان . أنا قلت أن الزمان وجد بعد خلق الأفلاك بعد السموات ، المكان لما خلق العرش تجلى عليه الاسم الرحمن بقى مكان ، أول أمكنة في المكان : العرش ، وأول الأزمنة : دورة الأفلاك .
سؤال : من كلام الصوفية فيه حاجات كثير لأفكار نفرق بها بين الله والنبي صلى الله عليه وسلم كلام يلخبط ؟ الجواب : النبي صلى الله عليه وسلم مرآة ذات الأسماء .. أنت بتحلق في المرآة .. صورتك كلها بتظهر فيها ؟ النبي زي كده مراية بالنسبة لربنا . وقال صلى الله عليه وسلم : كل الأنبياء أبناءهم من أصلابهم إلا أنا فأولادي من ظهر علي ـ هنا سيدنا علي كمان مراية للرسول .. عجبك .. عجبك .. الحكاية كده .
سؤال : سيادتك قلت فيه فرق بين الرب والله ؟ الجواب : أي اسم قائم لوحده . كل اسم له ورد وله خاصية لوحده .