التوسل أصلاً : الصغير بيتوسل بكبير إلى واحد أكبر .. نقول ده وزير وده ملك : أنا عاوز أتوسل بالوزير إلى الملك .. دي الوسيلة أصلاً ، يقولون لك توسل بربنا .. نتوسل بربنا لمين ؟ هل فيه رب ثاني .. ؟ .. ما هذا ؟ ويقولون الأنبياء يتوسلوا بربنا .. يتوسلون بربنا لمين ؟ الأنبياء والكبار بيتنقلوا من اسم إلهي إلى اسم إلهي . يقولون : رب إني مسني الضر وأنت أرحم الراحمين . طلع من اسم إلهي إلى اسم إلهي .. النظام العربي كده .. ليه بقى الغلبة ؟ يقولون توسل بالحبيب إلى الحبيب لتحظى بالإجابة من قريب . وأصالة التوسل ثلاثة أصناف : 1- التوسل في مرتبة الإسلام .. مرتبة الإسلام الأعمال فيها بدنية ( صلاة ـ زكاة ـ صوم ـ حج .. ) كل الأعمال بدنية ... الخمس فرائض كلهم بدنية ودي اسمها العبادة في مرتبة الإسلام . والتوسل فيه بالأعمال الصالحة ( مثل قصة الثلاثة الذين كانوا في الغار وسدته صخرة فكل واحد توسل بعمله الصالح ) . 2- التوسل في مرتبة الإيمان بالأسماء الإلهية ( قل ادعوا الله أو ادعوا الرحمن أيما تدعو فله الأسماء الحسنى ) .. ولا يعرفن التوسل بالأسماء الحسنى إلا الأولياء علشان دي شغلتهم .. الأسماء ومعناها ومفهوماتها دي شغلتهم ... والتوسل بالأسماء محدش يعرفه غير أهل القلوب ... سأضرب لك مثلاً : لو قلنا فلان فقران .. فالاسم اللي يتفق معه .. يا رزاق .. يا رزاق .. ( ده الاسم المختص بالرزق ) وده ما ينفعش .. ليه ؟ علشان الموت رزق أيضاً .. لو قلنا فلان أكل 50 - 100 خروف هو كمان فيه رزق الدود ، علشان الدود له رزق .. فكان التوسل بالاسم الرزاق للرزق غلط ... موت الأولاد كمان رزق .. فالتوسل بالاسم الرزاق لطلب الرزق ما ينفعش علشان الرزق دورة أنت أكلت رزقك ولازم كمان غيرك يأكل رزقه .