سؤال : أنا قابلت شخص ماسك سبحة من بتاعتنا قلت له أنت بن طريقة ؟ قال لا ولكنني أعمل بعض تسبيحات فقط .. ولكنه متنور قلت له أنت يلزمك شيخ قال لا .. ما أهمية الشيخ .. وبعدين هو سألني : أنت متنور ؟ قلت له لا أعرف وحتى لو باشوف فمن المفروض ألا أقل لك .. وبعدين أنا قلت له الطريقة زي المدرسة في مرحلة ابتدائي وإعدادي ... وهكذا .. طالما التلميذ في المدرسة فلا يأخذ ماهية ولكن فيه واحد يمكن يشتغل على طول ( عتال ) ويأخذ ماهية لكن سيدي إبراهيم عاوز يخرجنا من الجامعة الكبيرة ولذلك هو سايبنا ندرس ولكنه لم يعطنا نور ، وبعدين قلت له إذا كنت عاوز تدخل مدرسة فتعاله ... وإذا كنت عاوز تشتغل عتال .. خليك ؟ الجواب : هذا إلهام صحيح .. الناس مش شاعرين بالواجب بتاع الطريقة .. الطريقة مطلوبة يا عم الشيخ .. الشيخ بيقول : البيضة منا بفخ .. والفخ لا يقوم .. يعني اللي ما مفتوح عليه عندنا أحسن من اللي مفتوح عليه في مكان ثاني .
سؤال : فيه سؤال مهم جداً .. الأخوان بيقولوا كيف نعرف أن الواحد معتمد عند سيدي إبراهيم .. ؟ أيه الحاجة اللي تبين أن المريد ده معتمد عند سيدي إبراهيم ؟ الجواب : الأوراد والمحبة ..
سؤال : ومتى يعرف أنه مقصر مع سيدي إبراهيم ؟ الجواب : لما يخرب الإخوان ... ومن أحسن قولاً ممن دعى إلى الله ... أنت جيت في بيتنا يعني أنا عاوزك لأني إذا كنت أنا ما عاوزك كيف ستأتي ؟ أنت جيت علشان أنا عاوزك .. الطريقة بتاع سيدي إبراهيم وإذا هو ما عوزك كيف نديك الطريقة ... الناس كثير واشمعنا الشيخ جايبكم انتم ( يا وسخين ) .
سؤال : لأنه عاوزنا .. فاللي عاوزه يشغله في طريقته .. يعمل أوراد .. يجمع الإخوان .. واللي ما عاوزه يستغنى عنه ... والكل منه ؟ الجواب : أيوه .. هو كده ( أردناه أحببناه حتى أحبنا ) .
( التوسل )