فيه واحد من إخواننا .. وفيه واحد شيخ في جامع وهو رجل كبير في السن عنده 95 سنة وكان في الطريقة التيجانية ... وادى له الطريقة .. جاء لي وقال لي يا مولانا ذكر القلب ده هو أيه ؟ لأننا بنشوف الكلام ده في الكتب لكن في الواقع ما في ـ المدد بيكون على قدر الأوراد .. اثنين اتولدوا في زمن واحد .. واحد اشتغل طلبة .. وواحد اجتهد لغاية ما بقى قاضي .. هل ماهيتهم واحدة ؟ لا ... من الممكن الاثنين يأخذوا ماهية زي بعض . فالمدد على قدر الأوراد ... والأوراد على قدر الصفاء .. واحنا علمناكم الصفا ، وعلمناكم ذكر القلب وعلمناكم ذكر الروح .. علمناكم كل حاجة .. وأنتم ماشيين .. قولوا لي الناقص أيه ؟ مالكم بقى ؟
سؤال : هل في حديث : من أخلص لله أربعين يوماً تفجرت ينابيع الحكمة من قلبه على لسانه ؟ الجواب : أيوه ... والإخلاص هو تصفية العمل .. أما ابن الطريقة المجتهد فيبدأ من ترك الإخلاص ... لو قلت لواحد ادهن الباب ده بالبوية .. وقال عاوز عشرين جنيه ، لو قلت له اعمله بالشكل الفلاني ، ونفذ التعليمات طبعاً سيستحق العشرين جنيه . ابن الطريقة قلنا له اعمل الأساس والأحزاب وغير ذلك .. ولم نقل أنا سنكرم سيادتك ولا قلنا نبعدك من النار ولا قلنا له نوديك الجنة .. تصبر برضاك أو غصب عنك .. مستسلم لقضاء الله .. وهذا تارك الإخلاص .. أرفع من ذاك المخلص .