سؤال : وهل فيه سير بالشريعة كمان ؟ الجواب : جداً .. طرق السير إلى الله بعدد أنفاس خلق الله .
سؤال : يعني اللي بيصلي ويصوم ويزكي ويحج ده سائر إلى الله ؟ الجواب : لا لا .. اللي بيسير بالشريعة زي ما هو .
سؤال : ولكن علشان الشريعة تطبق بالظبط ده مستحيل .. احنا سمعنا قصة سيدنا عبد الله بن عمر ( بتاعة البطيخ ) الصحابة نفسهم ما قدروا على كده فيكون معنى كده أن الطريقة سهلت السير إلى الله ؟ الجواب : لا إله إلا الله .. جداً .
سؤال : هل يلزم السير بالأربع طرق مع بعض ( القسم ـ الاسم ـ المراقبة ـ الشريعة ) ؟ الجواب : ده موطن الكمال .
سؤال : يعني السائر بالشريعة يكون ينفذ بالظبط كل صغيرة وكبيرة ؟ الجواب : أيوه .
سؤال : ده غير مستطاع يا عم الشيخ ؟ الجواب : معلهش .. يحكم به .
سؤال : وصاحب الاسم يكون بعدته ونظامه ولوازمه والا ما يكونش ساير ؟ الجواب : أيوه .. ولذلك كان الأوراد بالظبط من أهم ما يمكن .
سؤال : كون المريد يكون ماشي دي ما لهاش دعوة بالإرشاد ؟ وما المقصود من قوله ( لينفق ذو سعة من سعته ) ؟ الجواب : لينفق كل ذو سعة من سعته ده ولي كبير بيكسب كثير ينفق منه . ومن قدر عليه رزقه فلينفق مما أتاه الله .. اللي عنده شوية تنوير كمان ينفق منه . لا يكلف الله نفساً إلا ما أتاها اللي يعرف رسم الخرطة كمان يرسم .. يعني اللي عارف السكة بس وما عنده تنوير ولا حاجة .. الكل داخل في الخط .
سؤال : واحد بيصلي وهو في السجود بيشحت من ربنا وفي الركوع بيشحت من ربنا .. هل يصح كده أو أفضل يكون الصلاة لله خالصة ؟ الجواب : أيوه يصح ، الشحاتة أصلاً من الله .
سؤال : لكن دي صلاة .. ؟ الجواب : اللي ورد في السنة واللي اتفق عليه الصحابة كله جديد .
سؤال : هو قال لي إن اللي ورد في الحديث في عدد الصلاة على النبي 1000 مرة وفي لا إله إلا الله 100 مرة ( الأحاديث ) وقال لي أنتم زودتم عن الأعداد دي بناء على أيه ؟