أصل القصة دي .. الحسبة كانت كويسة لغاية سيدنا داود .. وبعدين سيدنا داود ربنا تبارك و المخاليق أمره بالجهاد ولكنه كان بيلاقي اللي بيسلموا معاه واللي بيحاربوا معاه كلهم بيموتوا ومن المشركين ماحدش بيموت .. المشركين كانوا معلمين علم الفلك من الأنبياء اللي قبل منهم .. وهم دول أول من عمل شهادة الميلاد .. فلو واحد اتولد له ولد يقولوا اتولد لفلان ولد يوم كذا شهر كذا ساعة كذا في طالع كذا في طالع كذا في الغارب كذا في المتوسط كذا .. ولد ده وولد ده وولد ده .. ويقوموا يلموا الناس اللي مش حيموتوا في السنة ده وينزلوه لسيدنا داود في الحرب .. فما حدش بيموت .. فلما تكرر ذلك ... سيدنا داود اشتكي قال إلهي وسيدي أنت أمرت مجاهدينا وماحدش بيموت من الكفار .. تبارك والمخاليق أمر سيدنا جبريل يؤخر الشمس يوم ويقدم القمر ساعة فلما جاءوا يحسبوا ويقولوا ده واحد يطلع ثلاثين .. يحسبوا يقولوا ده كذا .. يطلع حاجة تانية .. فاتلخبطت حساباتهم وأفعالهم.