ـــ لا بيعكسوا المعنى لأغراضهم هم علشان يجذبوا الناس تحت هذه المعاني ويمشوا بالناس حيث يريدوا هم ... والدين مش كده. سؤال: علشان أيه يا مولانا؟ ـــ عايزين الحكم من وراء الدين ... والحكم وراء الدين ممنوع. الإمام مالك أبي. الإمام الشافعي أبي. الإمام أحمد ابن حنبل أبي. طاووس ... أبي ... ما في واحد أبدًا من العلماء اللي من المتبعين كان بيقبل يبقى حاكم ... مافي واحد بيقبل يبقى حاكم أبدًا. سؤال: الأحاديث اللي سيادتك قلتها عن حكاية السجاجيد بتاع أهل البيت عاوزين مزيد من الإيضاح في ذلك؟ الأولياء اللي حوإلى ن سيدنا ومولانا الحسين قالوا لي: الإخوان في المجلس الأعلى عملوا كذا، كذا ... عاوزين يشيلوا السجاجيد بتاع أهل البيت يبيعوهم ويدخلوهم في مال الدولة .... (يعني استقر رأي المجلس الأعلى بتاع الإخوان المسلمين على كده) ... وده كان أيام محمد نجيب وعاوزين ينفذوا الغرض ده قلت له وبعدين؟ الأوقاف ما هي ما لها كثير جدًا ما يأخذوا الأوقاف ويدخلوها على مال الحكومة بدل ما يشيلوا السجاجيد بتاع أهل البيت ... وبعدين حصل أيه؟ قال لي حكموا بأنهم يشتتوهم ويبهدلوهم. ـــ من اللي حكموا يا مولانا؟ ــ المشايخ (يعني باطنيا) وبعدين قلت له ده خبر كويس. وبعدين مش شاذلية هم؟ قال ياه ... دول خلاص مش سابوا الشاذلية والتصوف من زمان ... قلت له وعاملين كيف؟ ـــ ممتدين من الدول الأجنبية (طالبين فلوس) وخلوهم بحالهم كدة ... عملوا كده وحكموا عليهم بكده ... قالت له ده كلام كويس.