لما خلاص استعدينا وعاوزين نقول للجهاد ... فالجهاد لازم يكون لإعلاء كلمة الله (الشرط كده) لازم يكون الجهاد لإعلاء كلمة الله ... ولما يكون الجهاد لإعلاء كلمة الله ... قال صلى الله عليه وسلم ... فيه 7 أحاديث في الخصوص ده .... صحابي قال له رسول الله: وليني في أي بلد زي ما وليت فلان حاكم في البلد الفلاني ... قال صلى الله عليه وسلم: أمرنا هذا لا يصلح لمن يطلبه ... ويوصي سيدنا العباس برضه لما طلب إمارة قال له ألا أوصيك يا عماه ... قال له بأبي وأمي أوصني يا رسول الله ... قال: لا تقضين بين اثنين ... سيدنا أبا ذر في خلافة سيدنا عمر ولوه على الشام كان الحاكم على الشام في خلافة سيدنا عمر ... كتب جواب لسيدنا سلمان الفارسي بيقول له البلد المقدمة والأرض المقدمة وباركنا حولها وكذا، وكذا لازم تيجي ... سيدنا سلمان قرأ الجواب ... رد له بيقول له ... بسم الله الرحمن الرحيم وبه نستعين وصلى الله على سيدنا محمد وكده ... وصلنا جوابكم تطالبني فيه بالحضور طرفكم في الأرض المقدسة ... أعلم أخي في الله أن الأرض لا تقدس رجلًا وبلغنا أنك تتطيب ... فإن كنت طوبًا فأنعم ... وقفل الجواب وأعطاه للرسول. لما سيدنا أبا ذر قرأ الجواب ... خاف من الإمارة وخلاها ... فالدين يا عم الشيخ عاوز تخلق مش تعلق ... مش الواحد يتكلم ... لا ... يعمل لأن الكلام ما فيه فايدة. السائل: أحنا دخلنا من المنافقين على العملية دي ... ــــ هم أصلًا منافقين لكنهم غيروا الاسم إلى ده ... كل زمن بيغيروا اسمهم ... كل زمن بيغيروا اسمهم ولكنهم هم، هم ... كل واحد عنده وشين ... مرة واحد بيحكي لي بيقول ابن الطريقة الفلاني عنده وشين ... قلت له لما ابن الطريقة الفلاني عنده وشين فأنت زي الساعة بتاع المجلس البلدي (لها أربعة وجوه) ضحك. سؤال: هل فهمهم غلط أو أنهم بيغالطوا؟