من جواهر الامام فخر الدين

الحزب الكبير- 20 ... سيدي فخر الدين: أحزاب المشايخ رضوان الله عليهم، معمولين زي الإسبتالية، فيه مطالب المريدين كلها، يعني أي حاجة المريد عايزه من الطب المعنوي، من الطب الجسدي، من الطب الروحاني، في الأحزاب موجودة، هه؟ معرفته بس دقيقة شوية، خلاص؟ بعدين الصلوات علي النبي اللي في الأورادات الكبيرة معمولة لدايرة الإحاطة، مش صلاة معري، الصلوات بتاع المشايخ الكبار كله، الأربعة الأقطاب خصوصاً، معمولة مخصوص لدايرة الإحاطة، ودايرة الإحاطة ده عملوه المشايخ شيء لله رضوان الله عليهم للمريدين عشان المريد بيكون زي طلب الصايم للمويه عايز الإضافة للنبي عليه الصلاة والسلام أو زي طلب المرضان للشفا، ليه؟ عشان الإضافة للنبي عليه الصلاة والسلام من أهم المهمات، عمل دايرة الإحاطة زي الدفة، زي الدركسيون، زي الحاجة الي بيحول المريد للنبي غصب عنه أو برضاه، إسمه (دايرة الإحاطة)، والأربعة الأقطاب عندهم كل واحد عنده فن في الموضوع ده، وهي معني {ق وَالْقُرْآَنِ الْمَجِيدِ} (1)، {ق} كناية عن القلب النبي عليه الصلاة والسلام، {وَالْقُرْآَنِ الْمَجِيدِ} حاجة مكتوبة في قلب النبي عليه الصلاة والسلام، دي (دايرة الإحاطة)، بعدين غير دائرة الإحاطة باقي الأحزاب، ده الصلوات طبعاً عرفناهم، الأحزاب علي الإطلاق معمول لإضطرارات المريد في أي حاجة من الدنيوية أو الدينية أو كذا، مثلاً لو قدرنا إنه واحد قرا أوراد بلا تمييز كتير، تغلبت عليه الحال، يقرأ الحزب الكبير كتير يروق، ما يكونش أقل من 41 أو 70، سبعينين، تلاتة، يقوي روحه يخليه يملك حاله، عشان صاحب الحال مقهور تحت سلطان حاله، لكن ما عملش أي فايدة، المطلوب إنما هو كترة العبودية، المطلوب هو إيه؟ ... السائل: كترة العبودية ... سيدي فخر الدين: كترة العبودية، إيه يعني لما يقول في 24 ساعة (الله) مرة واحدة (الله)، ده ناقص كتير، فده يقوي ليه روحه عشان يعبد كتير، عشان كده معمول الحزب