قصص الانبياء لسيدى فخر الدين

س: وهل اللي في المشاهدة بيكون لسه عنده نفوس علشان يتخلص منها؟ مولانا الشيخ: أنا بقول يتزكى , الحج ده حج التضعيف , إذا ما تزكى وراح , برضه اسمه حج التضعيف , سيدنا إبراهيم بعد ما بنى البيت ربنا قال له وَأَذِّنْ فِي النَّاسِ بِالْحَجِّ يَأْتُوكَ رِجَالًا وَعَلَى كُلِّ ضَامِرٍ يَأْتِينَ قال إلهى وسيدى الحج ده للنبى صلى الله عليه وسلم , وأمته بعيدين منى؟ قال له أنت نادى وانا سأبلغ. 1 - سيدنا إبراهيم نادى وربنا بلغ. 2 - سيدنا جبريل نادى وربنا بلغ. 3 - الخواجه إبليس نادى وربنا بلغ. - البلوغ بالنداء بتاع إبليس , يمشى ويعملوه , ويرجع أوحش من الأول. - واللي بيمشى بنداء جبريل , بيجى مستقيم وكويس ويبقى مصلى ومزكى كويس وصاحب دين. - واللي يمشى بالنداء بتاع سيدنا إبراهيم ثلاث أصناف: 1 - واحد يموت وهوماشى زى الأمام الشاذلى وربنا بيخلق ملك كل سنة يحج له. 2 - واحد يروح ويتزكى , ده حج تضعيف. 3 - واحد يروح ويموت هناك. بتاع الخواجه , إذا واحد سرق فلوس ناس راح حج بيهم , الحج ذاته ثبت ولكن الحرام في الفلوس , واحد يعمل حفلة كوكتيل ويركب الطيارة مباشرة ويزل جدة , أليس هذا حج الخواجة. وفي حديث آخر قال رضى الله عنه: ربنا جل وعلا أمر سيدنا إبراهيم قال له وَأَذِّنْ فِي النَّاسِ بِالْحَجِّ سيدنا إبراهيم قال: يارب الحج لأمة سيد الأنام وبينى وبينهم بعيد أنا اناديهم كيف؟ قال له: إنت ناديهم وأنا أسمعهم , سيدنا إبراهيم قال: يا أمة سيد الخلق إن الله يأمركم أن تحجوا إلى بيته ـ 3 مرات ـ ربنا بلغ. اللي مشى بنداء سيدنا إبراهيم يمشى لما بيجى يتوب أكثر من الأول , ده الصغير.