في الأول سيدنا إبراهيم بني البيت وبعد ما تم بناء البيت بيعرف إن اليت ده مش قبلته فهو بناه لمحمد صلى الله ليه وسلم. فسيدنا إبراهيم بعد ما خلص دعي لأمة النبي كثير وَإِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَإِسْمَاعِيلُ رَبَّنَا تَقَبَّلْ مِنَّا إِنَّكَ أَنْتَ السَّمِيعُ الْعَلِيمُ * رَبَّنَا وَاجْعَلْنَا مُسْلِمَيْنِ لَكَ هو وسيدنا إسماعيل (وَمِنْ ذُرِّيَّتِنَا) من ذرية سيدنا إسماعيل أُمَّةً مُسْلِمَةً لَكَ دول جدود النبي (وَأَرِنَا مَنَاسِكَنَا) مناسك الحج على لسان النبي عليه الصلاة والسلام , وبعدين دعي , رب اجْنُبْنِي وَبَنِيَّ أَنْ نَعْبُدَ الْأَصْنَامَ تسع صفات دعي بيهم سيدنا إبراهيم علشان أمة النبي عليه الصلاة والسلام , بعد ما خلص ربنا قال له وَأَذِّنْ فِي النَّاسِ بِالْحَجِّ سيدنا إبراهيم قال يارب الحج ده لأمة خير الأنام وبينى وبينه لسه أمد بعيد , أنادى كيف؟ وأعمل كيف؟ قال له: إنت نادي وأنا أبلغ. - سيدنا إبراهيم نادي يا أمة خير الأنام إن الله فرض عليكم الحج عليكم أن تحجوا بيته. - وبعد منه سيدنا جبريل نادى نفس النداء , وربنا بلغ. - وبعد منه إبليس , إبليس ذاته نادى وربنا بلغ. هم دول الثلاث أصناف بتوع النداء. لتوضيح نداء إبليس: أنا بأقول إن فيه ناس بيعملوا حفلة كوكتيل، وبعدين يسهروا لغاية 12 وهم سكرانين، وبعدين يروحوا لموطن الاحرام، ده حج إبليس، بنداء إبليس، واللي مشيوا بنداء إبليس كتار جدا، فضل الحجات العالية، بنداء جبريل وسيدنا ابراهيم. وبعدين الحج بنداء سيدنا ابراهيم: - واحد وهو جاى في الحج، يموت قبل مايوصل، وده أعلاه، كيف كان أعلاه؟ ربنا بيخلق ملك يحج له كل سنة لغاية النفخ في الصور , وده اللي اختاره الامام الشاذلى، ولذلك مات في الصحراء وهو في طريقه إلى الحج، حديث غريب جدا والكبار بيعرفوه.