بعدين راحوا للنبي صلى الله عليه وسلم تاني وقالوا له هم أصحاب الكهف دول فين. النبي صلى الله عليه وسلم قال لهم تعالوا بكره، وبعدين النبي صلى الله عليه وسلم طلب ريح الرخاء اللي كان مع سيدنا سليمان وجاب سيدنا علي وسيدنا عبد الله بن عباس وسيدنا الزبير وقال للريح شيل دول وودوهم لمحل أصحاب الكهف في الشام، الريح شالهم ووداهم لمحل أصحاب الكهف، سيدنا علي لقاه مسدود بجامع، فده الجامع اللي المسلمين بنوه فوقهم لما انتصروا في حرب من الحروب {لَنَتَّخِذَنَّ عَلَيْهِم مَّسْجِدًا} الآية، فالجامع ده سدوا به فتحة الغار، بعدين سيدنا علي واللي معاه دخلوا جوه الغار، سيدنا على صحابهم، صحيوا، قالوا له أنت صحتنا يا أنسى ليه؟ قال لهم أنا عربي (علي) قالوا له وكيف صحتنا؟ أحنا ما ممكن نصحى، قال لهم أنا من الحواريين بتوع النبي صلى الله عليه وسلم، فقاموا وقعدوا وانبسطوا وقالوا نخش دينه كيف؟ قال لهم تقولوا أشهد أن لا إله إلا الله وأشهد أن محمدا رسول الله فقالوا الشهادتين وأسلموا كلهم، بعد كده سيدنا على قال لهم قوموا حاربوا معانا، قالوا له أحنا نوعدك أننا ننصرك وبعدين أحنا مكتوبين في جيش آخر واحد من أولادك اللي هو المهدي المنتظر فاحنا لو قمنا دلوقت حانكون فتنة واحنا ما نقدر نعيش لغاية المهدي وزمنه علشان الدنيا بتغرن، بعدين سيدنا على قال لهم طيب، وسألهم عن أسمائهم، واحد قال له له اسمى كشططوش والتاني قال له فلان، والثالث قال له فلان، عرف كل واحد فيهم حتى الكلب سأله عن اسمه قال له أنت مين؟ قال له أنا قطمير، علشان كده سيدنا عبد الله بن العباس قال أنا من ذاك القليل اللي ربنا قال عليهم {مَّا يَعْلَمُهُمْ إِلاَّ قَلِيلٌ} الآية، فكان عددهم سبعة وثامنهم كلبهم. أصحاب الرقيم س: هل أصحاب الكهف والرقيم واحد؟