تعالى وريني الكنز اللي أنت فتحته ده فين؟ فقال له أبدا، وأنا بايع قمح أول امباح ودى الفلوس بتاعة القمح بتاعي، الفران قال له قمح إيه؟ بعدين قال للفران دي بلدي، الفران قال له بلدك أنت؟ ساكن، قال له أنا عندي بين هنا بنيته على الناحية البحرية، بعدين مشى وراح بيته لقى رجل شايب ودقنه كلها بيضاء، والولي صاحب الكهف ده كان ولد صغير عنده زي عشرين سنة، قال للراجل الشايب ده بيتي؟ الراجل الشايب طلع قال له يا راجل داخل في بيتي ليه؟ وشاكله وقال له ده بيتي أنا وارثه من أبويا ومن جدي، فكان الولد الصغير ده اللي من أهل الكهف جد الراجل العجوز ده. حصل مره المشركين راحو للنبي صلى الله عليه وسلم وقالوا له أنتم بتشوفوا كتابنا حق وكتابكم حق، النبي صلى الله عليه وسلم قال له أيوه، فقالوا أحنا كتابنا فيه عن أصحاب الكهف ولبثوا في كهفهم ثلاثمائة سنين، وفي كتابكم {وَلَبِثُوا فِي كَهْفِهِمْ ثَلاَثَ مِائَةٍ سِنِينَ وَازْدَادُوا تِسْعًا} الآية، فمن الموضوع ده يا كتابنا غلط يا كتابكم غلط؟ النبي صلى الله عليه وسلم قال لهم امشوا لسيدنا علي، بعدين مشيوا لسيدنا علي سألوه، فقال لهم امشوا للنبي صلى الله عليه وسلم فرجعوا للنبي صلى الله عليه وسلم، النبي صلى الله عليه وسلم قال لهم روحوا لسيدنا علي وقولوا له النبي صلى الله عليه وسلم اللي بعتنا لك، راحوا لسيدنا علي تاني قال لهم مش أنا قلت لكم روحوا للنبي صلى الله عليه وسلم؟ قالوا له هو قال روحوا لعلي، قال لهم طيب ما دام هو قال لكم كده انتبهوا لكلمي، أحنا سنتنا سنة قمرية وأنتم سنتكم شمسية وما بين ده وده سنة أيام اللى هو أيام النسئ، فلما تحسبوا الفرق ده تلقوه تسع سنين.