أي نبي من الأنبياء توسل إلى الله إنه يخدم أمه النبي عليه الصلاة والسلام، بعضهم توسلوا إنهم يكونوا من أمة النبي عليه الصلاة والسلام، لما سيدنا موسي طلب من ربنا أنه يكون من أمة النبي صلى الله عليه وسلم ربنا قال له إنِّي اصْطَفَيْتُكَ عَلَى النَّاسِ بِرِسَالاتِي وبِكَلامِي فَخُذْ مَا آتَيْتُكَ وكُن مِّنَ الشَّاكِرِينَ سيدنا عيس لما طلب من ربنا جل وعلا إنه يكون من أمة النبي عليه الصلاة والسلام ويخدم دين النبي صلى الله عليه وسلم، ربنا جل وعلا قبل منه الموضوع ده، لما خلص رسالته الاسرائيلية قال له إنِّي مُتَوَفِّيكَ ورَافِعُكَ إلَيَّ شغلتك الاسرائيلية خلصت، عاوز أوفيك العهد اللي بيني وبينك وما ممكن أوفيك العهد اللي بيني وبينك مالم أرفعك إلى.
الميزة بتاع سيدنا عيسي مش في كونه بيحي الموتي ولا بكونه بيبري الأكمه والأبرص، دي مش الميزة بتاعه ولكن ده اعتيادية، ده مش الغاية ولا آخر مرتبة سيدنا عيسي، آخر مرتبة سيدنا عيسي؟ أن يكون من أمة النبي صلى الله عليه وسلم. أما المعجزات اللي فقو مرتبة الطب دي إعتيادي، سيدنا عيسي زي الواحد مننا بياكل أو بيشرب أو حاجة زي دي، دي اعتيادية، ولكن اللي ميز سيدنا عيسي دون الأنبياء والرسل، أي نبي ورسول تمني أن يكون من أمة النبي صلى الله عليه وسلم ويخدم أمة النبي صلى الله عليه وسلم ربنا ما استجابش لحد إلا لسيدنا عيسي، ودي الميزة الكبيرة بتاع سيدنا عيسي أنه يخدم أمه النبي صلى الله عليه وسلم.
س: كيف تكلم من كان في المهد صبيا قال إني عبد الله كيف ذلك؟ مولانا الشيخ: لما سيدنا جبريل نفخ في بطن ستنا مريم بطنها فضلت تكبر وقالت (يَا لَيْتَنِي مِتُّ قَبْلَ هَذَا وكُنتُ نَسْيًا مَّنسِيًا (23) فَنَادَاهَا مِن تَحْتِهَا) قال ألا تخافي ولا تحزني يعني سيدنا عيسي اتكلم وهو في بطن أمه، لما يطلع بره كيف يكون صعب عليه.
س: ليه سيدنا عيسي جاء من غير أب؟