السائل: ده زي كلام. . . .، يقول علي كيفك يا سيدنا الحسين، ندي المدعي ولي، وندي بتاع الأزهر بالشلوت. سائل آخر: سيدي محيي الدين يا عم الشيخ هو قال: من يعترض علينا لا يهتدي إلينا؟ مولانا الشيخ: لا، ده النابلسي: من يعترض علينا لا يهتدي إلينا ... إنا قد استغنينا عن أهل هذا الدار ما كلهم زى بعضهم.
13. 4 عن بعض المحظور والمباح من الأطعمة السائل: يا عم الشيخ في واحد من الإخوان المسلمين ديل، كان عامل ليه مطعم هنا في. . . .، الراجل ده خلق مشاكل عجيبة جدا، أول حاجة قال بالنسبة للأيسكريم، قال اأيسكريم حرام. مولانا الشيخ: الأيسكريم. السائل: قال الأيسكريم حرام. مولانا الشيخ: ليه؟ السائل: والله ما عارف السبب شنوه، تاني قال مرقة الدجاج حرام. مولانا الشيخ: ليه؟ السائل: فـ هسع بيقول إنه مرقة الدجاج دي قال مادة من الخنزير، ولا بطن الخنزير ولا كده، قال ما عارف السر في الخنزير، ما عارف الحاصل بالضبط ولا كده؟ مولانا الشيخ: علي كيفهم. السائل: الكلام ده قالوه للناس كمية كبيرة جدا جدا. مولانا الشيخ: ويعتمدوه. السائل: الناس برضه عملوا بكلامهم بس. مولانا الشيخ: غلطانين؟ السائل: في ناس قالوا ما مقتنعين. مولانا الشيخ: غلطانين؟ السائل: هسع كتيرة من الأنواع دي يا عم الشيخ، لو فعلا تشعر بأنه فيها أشياء من الخنزير وكده، فائدتها شنوه؟ مولانا الشيخ: خنزير إيه يا أخي، خنزير غالي يجيبوه بخمسة قروش، خنزير فسم رقة جداد، حاجة واحد والحاجة الواحد ده اعتيادي كلكم عارفينه، الصنعة معمول في الأفرنج، ما يعرفوش بس الله والله أكبر، لمن ضبحوا الجداد، ما يعرفوش ده {سموا أنتم وكلوا} (1) [الحديث]، ده محل الاعتقاد.