السائل: إلهي، ليعني مش هي ذاتها خاصية إشارة لرفعه؟ مولانا الشيخ: أيوه، أيوه. السائل: يا عم الشيخ طيب يعني، الاسم دهب يعمل في الوجود كله، يجقلب (1) [يصرف] ده كده وده هنا. مولانا الشيخ: أنت عارف لكن قليل الحياء ساكت، عثمان أنت عارف تمام لكن إيه؟ قليل حياء ساكت، المواطن أديها حقها والطاعات تديها حقها والمعاصي أديها حقها، أنت هسه دي عمتك من شأنها تسويها في الراس؟ ده الجلابية، المراكيب في الرجلين، من المعقول تخت مراكيبك في راسك، وتلف عمتك برجليك؟ ليه مش كله ملكك، هو ربنا ما رب الكل، ما يكلمنا ليه يبعت الأنبياء؟ المواطن من حقها تديها حقها إعطاء كل ذي حق حقه، ده رسمه، أما تراهم بيقولوا: نحن معني الوجود فيه ... ونحن عنه كقول فيه ده شنوه؟ السائل (معلقا): معبرين عنه، معبرين عنه، معبرين عن إرادته وعن كل حاجة. مولانا الشيخ: من شأن العظيم ما يتعرف، شرط الكمال نفي الإدراك، من شرط الكمال جمع الأضداد ونفي الإدراك. السائل (معلقا): حاجة محيرة جدا،. . . . يا عم الشيخ. مولانا الشيخ: كل الحيرة في ديل بس. السائل (معلقا): شغلانة خالص، آه يا عم الشيخ، شغلانة ما. . . .، وما قادر يصلها. مولانا الشيخ: ما في. السائل (معلقا): ما قادر يصلها أبدا. مولانا الشيخ: انتهي منها ما في.
11. 3 الدعاء والاستجابة السائل: الدعاء يا عم الشيخ والصلاة علي النبي مهم مية المية يا عم الشيخ، الدعاء فهمنا إنه آخر الدعاء ما. . . . شرط الاستجابة ما شرط العطاء؟ مولانا الشيخ: شنوه شنوه؟ السائل: الدعاء بالأسماء، أما نقول اللهم صلي علي سيدنا محمد ده، الكلام ده مضمون مية المية يا عم الشيخ؟ مولانا الشيخ: أصلها ما كلها مضمونة، تقصد إيه يعني؟ السائل: إنه الدعاء بالأسماء فيه الاستجابة ما فيه عطاء، بعدين بتاع الصلاة علي النبي، اللهم صلي علي سيدنا محمد معناها قبلوها وبيسهلوها وكل حاجة طوالي يا عم الشيخ؟