مولانا الشيخ: بالله؟ العبادات كلها ماشية، العبادات كلها ماشية، والعبادات كلها الوعد فيها {أستجب} (1) [غافر 60] مش أعطي بس، {ادعوني أستجب} الضمان في الاستجابة أي دعاء، ما في واحد مردود أصله، لكن مش تفهم إنه ادعوني أعطي، لأ {أستجب}، يا علي هوي، هوي ده هو الاستجابة، نقول للناس اللي ما فاهمين لما يكون في أول الدعاء الصلاة علي النبي وآخر الدعاء الصلاة علي النبي ربنا بيقبل الإتنين والوسط مقبول، أنت داير تقول كده؟ السائل (معلقا): لا أنا بقصد الصلاة علي النبي ذاته. مولانا الشيخ: ما يا هو أنا قلت: تبتدي الدعاء بالصلاة علي النبي، تدعي اللي أنت عايزه وتختم بالصلاة علي النبي، يقول ربنا يقبل الصلاتين ويقبل اللي وسطه، ده هزار ساكت، اللهم صلي علي سيدنا محمد وآله وسلم، اكسر اللمبة دي اللهم صلي علي سيدنا محمد وآله وسلم، كسره، ما تقولوا؟ ما كسره، إذا الرواية دي ما صحيحة.
السائل (معلقا): عندي سؤال. مولانا الشيخ: الصلاة علي النبي والذكر كله يا هو صلاة علي النبي، الذكر: ثناء جميل علي الله، الصلاة علي النبي: ثناء جميل علي الله، والإتنين واحد، ويبالغوا ويقولوا الصلاة علي النبي مقبول 100% ما أي حاجة مقبول. 12. 3 الأضداد والأسماء الإلهية السائل: عندي سؤال في التوسل يا عم الشيخ، تجد في واحدة من قصائد سيدي إبراهيم، قال: وطورا تراني في المساجد (2) [سيدي إبراهيم الدسوقي]، القصيدة بتاعة وطورا تراني في المساجد؟ مولانا الشيخ: عاكفا. السائل: عاكفا، وبعدين قال طورا تراني راهب الدير والقس جمع الـ؟ مولانا الشيخ: الأضداد. السائل: الأضداد يعني ده، هنا اختلاف باسم إلهي، مش كده يا عم الشيخ؟ سائل آخر: وضحه لينا يا مولانا، شيخ عثمان ده عرف الحقيقة عديل، شيخ عثمان ده عارفه، عايزين توضحه لينا يعني؟ مولانا الشيخ: قال: تخلصت بالإخلاص من رقة النفس ... وسدت بأحبابي علي الجن والإنس خلاص لأ ما ده، غايتو: