مولانا الشيخ: ولا معناها سيدنا عمر وهابي، سيدن عمر، أعجب حاجة اللي راح تاخدوه من سيدنا عمر، زواجة من بنت سيدنا علي، وتبركه بسيدنا أو العباس، ما تقدروا تقولوا أي حاجة في سيدنا عمر. السائل (معلقا): وسيدنا العباس ما معترفين يه عشان، جايبينه حجة، حجة الحي علي الميت وكده، معترفين بيه الحديث بتاع سيدنا العباس إنه سيدنا عمر قدمه يجيبه يحتجوا بيه باعتبار أنه توسل بالحي وكده. مولانا الشيخ: ما كان سيدنا عمر ذاته، اتقدم عشان سيدنا عمر أكبر من سيدنا العباس، في الخلافة أكبر، في الإسلام أقدم، ولا إيه؟ هم عاوزين يخفوا قصة القرابة ده مخصوص. السائل (معلقا): شايف يا مولانا الحكاية دي ذاتها قلبوها عملوها حجة تانية. مولانا الشيخ: أيوه. السائل (معلقا): حتى توسل سيدنا عمر بالعباس يقولوا إنه يعني الحي أفضل من الميت. مولانا الشيخ: الحي أفضل من الميت؟ لفظ الحي أفضل من الميت ده واحد نصراني قابل سيدنا علي، نصراني قال لسيدنا علي، الحي أفضل من الميت، سيدنا علي ما بيفوت عليه حاجة قال له: كل الحي مش أفضل من كل الميت، قال له: لأ الحي أفضل من الميت، قال له: مرت كدي أفضل من السيدة مريم؟ السائل (معلقا): السيدة مريم، عملها في رقبته. مولانا الشيخ: في رقبته، قال له: مرتك دي أفضل من السيدة مريم؟ نهاية الدرس الثاني
الدرس الثالث {الوجه الأول} 3 معني {قل بفضل الله} (1) (1) يونس 58 مولانا الشيخ: صلي الله عليه وعلي آله وصحبه وسلم، جتك داهية يا بربري، فضل الله ورحمة الله هو النبي عليه الصلاة والسلام. السائل (معلقا): الآية دي يا عم الشيخ ما واضحة حتى للعلماء نفسهم، حتى العلماء ذاتهم ما واضحة عليهم؟ مولانا الشيخ: عشان كده إحنا بنرقص. السائل: دايرين شوية، دايرين شوية توضيح يعني؟