مولانا الشيخ: ما الحديث {كل حسب ونسب ينقطع إلا حسبي ونسبي} سيدنا عمر قطع الشجرة البيعة، وما يقطع سجم حبوبتك وما لنا ومل له، ناس يجيبوا حجج واهية ما عندها أصل، أنت كمان فهمت، سيدنا عمر قطع شجرة الرضوان، وأنا ما لنا إذا سيدنا عمر قطع شجرة الرضوان، إحنا هسه نفتش شجرة الرضوان، إحنا ما طول عمرنا قاعدين نقطع في الأشجار؟ بس الواحد يحتال يشبك في أي حاجة. السائل (معلقا): ده غلط منهم يا عم الشيخ، الشجة دي ما بتلمهم بسيدنا عمر. مولانا الشيخ: أبدا. السائل (معلقا): العند بتاعهم ده، عشان قصة الشجرة دي أنحنا نظلم سيدنا عمر. مولانا الشيخ: أصالة فيه شجر مبروكة؟ أصله في شجرة مبروكة؟ إلا الإكسير يمكن. السائل: يا عم الشيخ موضوع الشجرة كان، كان بعلة، العلة يعني إيه؟ مولانا الشيخ: مفيش أي سبب، سيدنا عمر خليفة وقالوا كلامه عضوا عليه بالنواجذ، الناس سمعوه وماشيين عليه هو قاطعها ليه؟ هو ذاته قاطعها ليه مال الشجرة؟ الشجرة دي ما فيها بركة، ولا مخلوقة من بركة، ولا شجرة سيدنا يحيي كمان، وإحنا قاعدين نبكي علي شجرة سيدنا يحيي، العتل وانتوا تسموها الشجرة دي؟ سيدنا يحيي جروا وراه اليهود، ده جاري علي الشجرة، الشجرة انشق كده، دخل جواها أطبق كده، إبليس قال لهم: الني جوه الشجرة ده، شقوا الشجرة نصين، لما يجي وقت زمن دخول سيدنا يحيي في الشجرة الشجرة بتنشق كده، وانتوا عندكم اسمه إيه في دنقلا فيه. السائل (معلقا): يا ها العتل يا عم الشيخ. مولانا الشيخ: وانتوا عندكم اسمه إيه؟ ما بتعرفه. السائل (معلقا): العتل يا هو. مولانا الشيخ: العتل، هو شجر بيقوم فوق البحر أوراقه زى الدبوس كده، لكن ده كبير في الخلا عندنا لسمه (العتل) بنعمل منه عدة بتاع البيت سراير سراير كراسي أنا عندي، سيدنا عمر قطع الشجرة إحنا معترفين بده، لكن مش معناه الشجرة فيها بركة. السائل (معلقا): ولا معناها إن سيدنا عمر وهابي.