مولانا الشيخ: ما هو {قل بفضل الله} فضل الله علي الأمة أو علي الوجود النبي عليه الصلاة والسلام {وبرحمته} رحمة الله علي الوجود النبي عليه الصلاة والسلام، ما الوهابية جوا بيجادلوني في حديث سيدنا جابر، قلت ليه أقيف محل التلاجة، واحد قال {قل بفضل الله وبرحمته فبذلك فليفرحوا هو خير ممكا يجمعون} قلت لهم عشان كده إحنا بنرقص، رجعوا تاني، قالوا قلت إيه؟ قلت لهم: فضل الله علي الوجود النبي عليه الصلاة والسلام، رحمة الله النبي عليه الصلاة والسلام وإحنا علي ذكراهم بنرقص وراح نوصي أولادنا يرقصوا، قال ديل عندهم مفهوم جديد في الدين وفاتوا. 2. 3 أصناف السحر السائل: المنطقة أو الكوكب ده. . . . بالسحر، السحر؟ مولانا الشيخ: شنوه؟ السائل: ربط العالم العلوي بالسفلي يا عم الشيخ؟ مولانا الشيخ: آه. السائل: قلنا بالنسبة للكواكب ده بالسحر؟ مولانا الشيخ: لا لأ المكر أول. السائل: بعدين السحر؟ مولانا الشيخ: بعدين السحر اطلاع علي الجن، ومن الجن كمان اللي خادمهم (ميمون أبارون) أسود وبيلبس أسود وحصينهم سود. السائل (معلقا): اليوم داك كان بيشرحوا قالوا السحر بالنسبة للإنس أصله ما معروف، تعلمه الإنسان من الملائكة، قالوا السحر جه للإنسان من الملائكة، الإنسان ما بيعرف السحر، أول من علم الإنسان السحر الملائكة، من الآية {ما أنزل علي الملكين ببابل هاروت وماروت} (1) البقرة 102) يعلمان الناس السحر، وقالوا السحر أساسا ما بيعرفه الإنسان إلا بعد نزول الملائكة، نزل من الملكين ديل السحر يا عم الشيخ، يعلموا السحر؟ مولانا الشيخ: السحر ذاته في؟ السائل (معلقا): أيوه يا عم الشيخ.