مولانا الشيخ: طيب عند جماعتنا، الأمانة هو الغوثية إن ربنا جل وعلا يديك أسماؤه عشان تتصرف بيهُ في الوجود، ظاهر؟ أصالة خلق آدم خليفة والخليفة لازم يكون عنده قوة يتصرف بيهُ في ملك مستخلفه ولاإيه؟ الخليفة لازم يكون عنده قوة يتصرف بيهُ في ملك مستخلفه، ربنا خلق الوجود من الأسماء الإهية، سيرها بالأسماءالإلهية، فناها بالأسماء الإلهية، أبقاها بالأسماء الإلهية، فربناادى الخليفة إيه؟ العدة بتاع الوجود، فكان العدة بتاع الوجود هو إيه؟ هوالأسماء الإلهية، عشان من حيث اسمه الخالق خلق، من حيث اسمه المصور صور، وبالشكل ده كل الأسماء، مالك؟ بالشكل ده كل الأسماء ربنا اداه لخليفته، لأبونا آدم متدلى بعد كده {إنا عرضنا الأمانة} مش كده؟ مش أنا عرضت {إنا عرضنا الأمانة} ظاهر؟ عرضنا، عرض ياسموات ياأرضين ياجبال تحملوا الخلافة ده؟ اشفقن منها {إنا عرضنا الأمانة على السموات والارض والجبال فأبين أن يحملنها} لعظمتها {وأشفقن منها} احنا مانقدر نتصرف في الموضوع ده ف {حملها الإنسان} اللى هو الخليفة، ما خليفة، أصله خلقوه عشان يبقى خليفة في الأرض، أساسا أبونا خلقوه عشان إيه؟ عشان يبقى خليفة في الأرض {فحملها الإنسان} مع حمله للسر الكبير ده، مع حمله كان قبل مايحمل الأمانة {ظلوما} لنفسه، بعد حمل الأمانه {جهولا} بكنه الذات، ده العربي والبربرى كده. السائل: مافي غيرها، ومافي غيرها؟