مولانا الشيخ: أيوة، هم الأزهريين قالوا، قالوا: العقل، قلت ليهم: العقل لقيناه قاعد ما ادونا ليهُ، كلامك ده، قالوا التكاليف، التكاليف اتعلمناه في الأزهر، ماادونا ليهُ، ظاهر؟ الأمانة الاعتيادية، قلت ليهم الأمانة الاعتيادية النصارى أحسن فيه من المسلمين، النصارى في الأمانة أحسن من المسلمين، قالوا الشهوة البهيمية، يكون فحملها الحيوان مش حملها الإنسان، عشان الشهوة اسمها بهيمية، بهيمية يعنى بتاع البهايم، ماتسمعوا؟ الشهوة بتاع مين؟ بتاع البهايم، يكون فحملها البهايم، مش {فحملها الإنسان إنه كان} قبل حمل الأمانة {ظلوما} لنفسه، بعد حمل الأمانه {جهولا} بكنه الذات {ليعذب المنافقين والمنافقات} مربوط معاه مش الحيوانات. السائل: ياريتك لو تسجل لينا الحديث داك لو برضه مسجل يكون كويس؟