مولانا الشيخ: دهعلى حسب النظام بتاع الطريقة، إذا نظامهم قايمين، قايمين، إذا نظامهم قاعدين، قاعدين، إذا النظام نَططوا، نططوا، إذا نظامهم بيجرو خطوات لقدام وخطوات لورا، اعمل زيهم، زى اتباع الخبير، ربنا مادام قال لنا اتبعوا الخبير، الخبير رسم لنا خط، نتبع سكة الخبير. السائل: دى ياعم الشيخ يعنى أنا بسأل من حكاية البدعة، دى كلها هم يقولوا بدعة؟ مولانا الشيخ: شنوه؟ السائل: كل الاشياء دى هم بيقولوا بدعة؟ مولانا الشيخ: البدعة ذاته شنوه؟ السائل: توضيح للبدعة حقيقة السؤال ذاته هو شنوه؟ وهل هى فعلا أى شئ اتعمل بعد الرسول صلى الله عليه وسلم لا زم يكون بدعة زى ما بيقول كل بدعة ضلالة وكل ضلالة في النار فتوضيح البدعة هو؟ مولانا الشيخ: عندهم البدعة شنوه؟ السائل: كل شئ ماعمله الرسول صلى الله عليه وسلم في الدين هم بيقولوا ده مبتدع؟ مولانا الشيخ: بدعة. السائل: بدعة وبيقولوا ده جديد على الدين ودى هى اللى نهى عنها الرسول صلى الله عليه وسلم، وكل بدعةضلالة وكل ضلالة في النار، والحديث الرايج في موضوع البدعة؟ فكيف الخلاص.