السائل: يلاحظ يامولانا في الحضرة الزى نفسه في الحضرة بيرفع قبل بداية الحضرة، وقراءة الفاتحة يرفع، برضه في نهاية الحضرة دى ليها معنى معين؟ مولانا الشيخ: ليها معنى، أولا لمن الزى اتولع، أربعين ولى بيحطاطوا بيهُ، لمن الواحد يرفعه ويذكر التحية بتاعهم، آمين آمين اللهم صلى وسلم وبارك على سيدنا محمد وعلى آله وصحبه أجمعين سبحان ربك رب العزة عما يصفون، الأولياءديل بيحضروا، لما يكون فيه طريقة فايتة برضه بيرفعه ويقروا نفس التأمين دهلَمن عاوزين يبطلوا الذكر، خلص الذكر والقصايد وكل حاجة يرفعوا يقروا نفس العملية ده ويطفوا الفانوس. السائل: بيقولوا ياعم الشيخ النوبات، كان أول من عمل النوبة هو مولانا الشيخ عبد القادر الجيلانى؟ مولانا الشيخ: السيد أحمد الرفاعى. السائل: سيدى أحمد الرفاعى، فهم بيقولوا كانت النوبة شعار منهم بأن يجمع الناس لعملية الدق، ما كان عندهم ذكر في جماعة غير النوبة بالنسبة لأنه السيد أحمد الرفاعى أوالسيد مولانا سيدى عبد القادر الجيلانى وقت بدقوا، الأصل بتاع مافي نوبة بتدق والناس بيذكروا، بيدقوا النوبة عبارة عن جمع للناس، فعادة الدق أما التغيير اللى حصل ده هل هو يعنى وارد برضه في الطرق ولاَ فعلا فعلا ديلك كان بيدقوها ويذكروا؟ مولانا الشيخ: أصله جمع الناس ما ده المطلوب، الأذان موش معمول عشان كده؟ الأذان معمول عشان إيه؟ عشان جمع الناس، واللى يعين على الفرض فرض واللى يعين على السنة سنة واللى يعين على المستحب مستحب، المشايخ يقولوا كده، إذا جبنا نوبة دفيناه وسط الجماعة ديل فكرك حد راح ينوم؟ عان على العبادة؟ السائل (معلقاً): أيوه. مولانا الشيخ: فلذلك بيكون سنة، وجمع الناس مافيه مانع، جمع الناس للعبادة، الأذان معمول في المناسبة ده. السائل: ناحية شرعية مطلقة؟ مولانا الشيخ: والحكم الشرعى اللى يعين على الفرض فرض، الوضوء مش انت، مش الواحد بيتوضا؟ فرض ولاَ ما فرض؟