السائل: هي مناسبة الآية يا عم الشيخ، السورة ذاتها في الأول خالص، القسم بتاع ربنا يقول {وَالضُّحَى - وَاللَّيْلِ إِذَا سَجَى} المفسرين برضه كاتبين {وَالضُّحَى} يعني الضحى بتاع اليوم العادي ده، والضحى قسم، بعدين يقولوا والضحى قسم، يقولوا والضحى قسم بأول اليوم، زي كده يعني؟ مولانا الشيخ: أنا ما عارف زي ده، جميلة زوجة أبي جهل، لمن الوحي أتحبس من النبي عليه الصلاة والسلام جات قالت ليه: يا محمد أنا نرى شيطانك قد قلاك ووجعك. السائل: كان انقطع فترة من النبي عليه الصلاة والسلام؟ مولانا الشيخ: أيوه، أنا نرى شيطانك قد قلاك وودعك، النبي زعلان من قطع الوحي وبيكوس كده وكده وكده، يفتش، يروح الجبال، يروح وين، يروح وين، مشى لبيت من بيوته، بيت أم هاني، قال لها قشي البيت، قشت البيت، زوجة أبو جهل ده قالت له: كده، يا محمد أنا نرى شيطانك قد قلاك وودعك، قلاك يعني كرهك، وودعك يعني فارقك، نزل سيدنا جبريل لقوا كلب في البيت شاله، جيرو بتاع كلب، نزل سيدنا جبريل التبس النبي عليه الصلاة والسلام قال له: {وَالضُّحَى - وَاللَّيْلِ إِذَا سَجَى - مَا} (الوجه الثاني) مولانا الشيخ: يعني الليل الأخير، التلت الأخير من الليل {مَا وَدَّعَكَ رَبُّكَ} ربك بعد ما قربك مش راح يكرهك {وَمَا قَلَى} بعد ما قربك مش راح يفارقك، بعد ما حبك مش راح يبغضك. السائل (معلقاً): الرد على الكلام بتاع زوجة.