مولانا الشيخ: بعدين نرجع لقصتنا، الكلام طلع، لّمن نقول لك خبر الرؤيا طلعت، إخوانه برضه قالوا نفس الموضوع، بعدين فضلوا يتكلموا مع أبوهم، الولد ده لازم يطلع، لازم يلعب، لازم يسوى، لازم يشتغل، لازم يعمل، كورعينه إتعقلوا من كتر القعاد جنبك، وخليه يمشي، كتروا عليه القصة قال لهم: إنى أخاف أن تذهبوا به، إنى أخاف) أن تذهبوا به وأخاف أن يأكله الذئب وأنتم عنه غافلون (قالوا له: إزاى الكلام ده، شايفنا إحنا طوال وسمان وديب إيه؟ وقلق إيه؟ ده كلام ده؟ مش ممكن، يا أولادي خلوه قاعد، يا أولادى!! قالوا: لا، قالوا ليه: لازم يطلع، بعدين قام طلّعه، مش قال لهم إنى أخاف أن تذهبوا به وأخاف أن يأكله الذئب؟ السائل (معلقاً): نعم. مولانا الشيخ: هم جُوه في العشا، يكور كوا، مالكم؟ يكور كوا انت عارف يزعّقوا يعنى. السائل (معلقاً): أي نعم. مولانا الشيخ: مالكم؟ {يا أبانا إنا ذهبنا نستبق وتركنا يوسف عند متاعنا فأكله الذئب} هو مش كلمهم الكلام ده من الأول؟ السائل (معلقاً): أيوه. مولانا الشيخ: يعنى هسه الكلام اللى هم راح يقولوه هو عارفه من الأول ولا لا؟ السائل (معلقاً): عارفه. مولانا الشيخ: وعليه يقول الأولياء ما بيعلموا الغيب هسه ده ما غيب؟ السائل (معلقاً): نعم. مولانا الشيخ: إنى أخاف) أن تذهبوا به و أخاف أن يأكله الذئب وأنتم عنه غافلون (مشو جوه) قالوا ياأبانا إنا ذهبنا نستبق وتركنا يوسف عند متاعنا فأكله الذئب (ظاهر؟ لمن أبوهم عاين لهم شديد، قال ليهم كيف؟!! وهو عارفه. السائل (معلقاً): نعم. مولانا الشيخ: قالوا له {وما أنت بمؤمنٍ لنا وإن كنا صادقين} لو حرف إمتناع لو جرب، إحنا كذابين، اللى إحنا عاوزينه سويناه، وإذاصدقنا في إبنك ده برضك مش راح تصدقنا، لكن اللي إحنا عاوزينه سوّيناه، ظاهر؟ السائل (معلقاً): نعم.