السائل (معلقاً): تفسير سيدي محي الدين بن العربي ده برضه مثلا؟ مولانا الشيخ: لا ده ما بيفسر كتير، لكن أحسن من بلاش، إحنا هسه بنفتش في التفسير الكبير واحد قال فيه. السائل (معلقاً): سيدى ابن عجيبة؟ مولانا الشيخ: ابن عجيبة ما منعوه كان، ولا طبعوه؟ السائل (معلقاً): واحد قال، واحد واعدنا يجيب لينا، هو طبعوا من سيدي ابن عجيبه اتنين. مولانا الشيخ: جزئين أي. السائل (معلقاً): واحد بيقول إنه عنده المخطوط الباقي، من أسرة سيدى ابن عجيبه، وبيقول أن نحن يعني ما استفدنا وكده، فنحنا أغريناه قلنا له مستعدين نأخذ المخطوط ده وبقية الأجزاء بأي تمن أنت عايزه. مولانا الشيخ: أيوه وتطبعوه، الألوسي برضه زي ابن عجيبة، الألوسي إتنين لكن، فيه ألوسي شريف وولي كبير صوفي، وفيه ألوسي ابن هرمه، ده الي بيجيب كل الآيات الى وارده في المشتركين بيلصقهم على العلماء والأولياء. السائل (مقاطعاً): زى ابن تيمه وابن تيميه. مولانا الشيخ: زى ابن تيمه وابن تيميه، ده اسمه محمود داك. السائل (معلقاً): الكويس محمود. مولانا الشيخ: شوف محمود بيضحك على نفسه. السائل (معلقاً): الكويس مين يا مولانا عشان. مولانا الشيخ: واحد شريف حسيني وصوفي كبير وولي كبير، اسمه محمود الألوسي، سمعت؟ ده بيتكلم في الإشارات وفي تفسير التشريع، ده مين؟ ده الألوسي الكويس، الألوسي البطال يجيب كل الآيات الواردة في المشركين يقول ديل العلماء، ديل الأولياء، ديل العلماء، ديل الأولياء طوالي كلها كده، أنا فيه عندي تفسير ولا عربي ولا قدرت أفهمه، إديت ده عشان فصيح قلت يفهم منه حاجة، كمان ما قدر، إسمه النخجواني. السائل (معلقاً): تفسير. مولانا الشيخ: تفسير صوفي آي، إنت ما قريت فيه شوية، ما عربي أبداً. السائل (معلقاً): هو النخجواني ده ذاته عربي؟ مولانا الشيخ: لا النخجواني برزجاني، صحيح بالجد برزجاني، هو كاتب في كتابه كده.