مولانا الشيخ: بتسمعوا عند الناس عقبات السير، عقبات السلوك، عقبات، عقبات، عقبات، التصوف زمان شكل وفى المتأخر شكل تانى، زمان حتي الديوان شكل وفى الزمان المتأخر شكل تانى، إيه الشكل الأول؟ التصوف كان صعب جداً جداً جداً خالص، أما زمن الصحابة مكتوم كله كله، زمن الصحابة كله كله مكتوم، كلهم موروثين، كلهم وارثين وكلهم في الديوان فلذلك ما في داعي ان ده يتعلم من ده وده يتعلم من ده، أسرار كانت في الشارع، يصادف الصحابة يكونوا قاعدين قدام النبى عليه الصلاة والسلام يقوموا يمشوا، يمشوا والدنيا ضُلُمّهْ، واحد يوقع العصايه بتاعه تنور، لامن يمشوا مشوار وعايزين يتفرقوا، واحدتانى يرفع عصايته تنور، كده كده لغاية ماكلهم يخلصوا، ده كان حالة الصحابة، حالة التابعين ظهروا فيه بعض الشئ، أويس القرني، حسن البصرى، ظهروا من التابعين، ابن عيينه بعدين طاووس، مكحول، الاوزاعى، لكن كانوا ظاهرين بالتدريس أكتر من الإجتهاد في الذكر، ظاهر؟ بعدين فضلت صعبه كده، صعبه كده، صعبه كده لدرجة ما، لّمن نقول فلان شيخ في الطريقة الفلانية، فلان ولى بِيْسَلِّكْ الناس ومأذون، يجى المريدين، يجى المريدين، يقول لهم أنا عايز حد هسه، ليه؟ الناس اللى بيزرعوا العيش ديل، كفاية ديل، الناس اللى بيخدمو الخلوة ديل، كفاية ديل، الناس اللى بيخدموا القش بتاع البهايم ديل، كفاية ديل، لما واحد من ديل يتخرج كده، صعب خالص ده. السائل: أيوه، محدوده.