مولانا الشيخ: لا لا لأ، عادة مرتبة الغوثية لما يملكه واحد، ما {قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ} (168) [آل عمران 26] اللى هو الغوثية {تُؤْتِي الْمُلْكَ مَنْ تَشَاءُ}، {تَنْزِعُ الْمُلْكَ مِمَّنْ تَشَاءُ وَتُعِزُّ مَنْ} بالشكل ده، الآية في الخصوص ده، لن الغوث يسلم الغوثية من غير شكل بيدوله وهو ميت سبعين سنة تصريف، ما عربي؟ ده الغوث سبعين سنه يدوا له التصريف، بيرشد المريدين ويتصرف ويعمل ويعمل ويعمل شرطا يكون يسلم، ما أصله الغوثية أمانة عند الناس {إِنَّا عَرَضْنَا الأَمَانَةَ عَلَى السَّمَوَاتِ} (169) [الأحزاب 72] والأمانة لازم يكون عند أمين فلازم يكون محمول ما يكونش محطوط لمن يقولوا له سلم لفلان، لما يسلمه يدّوا له إكرام سبعين سنة بعد ما يموت وهو ميت يرشد، سيدي إبراهيم ما كده، سيدي إبراهيم ده اللي خرب بيتنا، طوالى بيرشد، ولا سبعين ولا سبعميه. السائل: لكن لو نزع؟ مولانا الشيخ: آه ده يقولوا له كو (170) [بمعنى انتهينا أو خلصنا]، شطب (171) [كلمة انجليزية بمعنى قف عندك، اقفل] لا جنة لا نار بس يقولوا له خلاص لحد كده انتهينا عشان تترع مش تأخذ. السائل: طيب يا عم الشيخ دلوقت هو حايأخد سبعين سنة بعد ما يموت، الغوث اللي بعد منه حا يشتغل إيه؟ مولانا الشيخ: برضه بيشتغل. السائل: حاجه تانية؟ مولانا الشيخ: لأ، أنت ما فهمت كلامي، العطشان مش عاوز مويه؟ الجعان مش عاوز يأكل؟ الأولياء عاوزين هداية الناس زي طلبنا للمويه في رمضان، لما يسلم الرئاسة من غير شكل يدوا له يرشد مريدينه سبعين سنة وهو ميت، لما يقلعوه منه، يسمكروه، ولا سبعة أيام، ما فهمتوا؟ يقولوا له بس، شطب، لا جنة لا نار. السائل: مريدينه بس؟ مولانا الشيخ: مريديته وأي واحد بيحبه. السائل: طيب يا عم الشيخ أى غوث لازم يكون مرشد للطريقة؟ مولانا الشيخ: يكون في طريقة لازم. السائل: لكن يرشد ناس؟