طبيعة كده، والعلم الإلهى ما معناه زى علمنا ولاّ زى علم غيرنا، كان جاهل بشئ وعلمه؟ لأ، علمه بنفسه هو نفس علمه بغيره، بعدين الصفة أصلا لا تفارق الموصوف ولا متباينة فى الموصوف، إتصال الصفات بالنسبة للذات العلية زى واو الهو بالنسبة للهو، فما محتاج ليهُ الذات تبارك وتعالى، من محض الفضل ظهرت الوجود من الأسماء، ولولا وجود الأسماء لما كان وجود الوجود، ولولا وجود الصفات لما كانش وجود الأسماء، ولولا وجود الذات، الصفات تتصف به مين؟ فلابد من ذات واجب الوجود، وبعده ده كله موطن العزة أعجب وأعجب، العزيز يعنى إيه؟ يعنى منيع الحمى، منيع الحمى، ماحدش يقدر يروح فى حلّتهُ، معناه بالصغير كده، إذا واحد قدر راح حلّته العزة إنتفت، فعليه العزة حاجة ذاتية إلهية، والغنى صفة إلهية قديمة، كل أسماء المولى تبارك وتعالى قديمة والصفات قديمة، ....