فأول قبله السجاد طين عليه أشعة النور العلي وطبعا ياأخنوخ في العرش فيه مكان لأن العرش أول مكان ولكن مافي زمان لأن الزمان بيكون من دوران الخنس الجواري الكنس إللي هم الأملاك في عالم الأفلاك فعالم الجبروت فيه العرش وفيه الكرسي وفيه اللوح الأعلى وفيه القلم الأعلى وكمان الجنات في عالم الملكوت والعالمين دول فيهم مكان وليس بهم زمان أما الزمان والحساب يكون في عالم الملك، وعالم الملك هو السماوات السبع واللأراضين السبع والبحار السبع والرياح السبع وفي كل سما من السماوات فيه فلك كبير عليه كوكب من الكواكب منير يجره ملك قوي شديد وكل سما مثل القبه ومنطبه على الأرض بتاعتها وداخلها السما الأصغر منها مع الأرض المقابله ليها والسما شفافه وفي كل سما فيه 124 ألف نجمة غير سماء الدنيا إللي احنا عايشين فيها موجود مصابيح معلقة غيرالنجوم وهي للشياطين رصد ورجوم ويعيش في السماوات الملائكة الفلكيين وكان أصلهم من الجن وكانوا لربهم عابدين ومطيعين فأكرمهم الله بالأنوار وأسكنهم في السماوات أما الأراضي فالأولى لنا والثانية لمؤمنين الجن وملوكهم والثالثة للشياطين وهم بلقاء ربهم كافرين والرابعة بها الزوابع والتوابع والقرائن وهم عون كل عربيد ماجن والخامسة بها عفاريت الجن والسادسة للمردة والسابعة للحيات والعقارب وهي سقف لجهنم نجانا الله من كل شر معلوم ومبهم.