/ ده كلام فارغ / مصطفى البهنساوي في بدايته أنا ما أنسى أنا كراجل باتكلم / دافع عن الطريقه / كان بيجيب الجرايد والكتب وأيّ حاجه / بيناطح بيها رئيس المجلس الصوفي / حتى كلِّمه / رئيس المجلس الصوفي ما معترِف بحاجه اسمها البرزخ / ورّاهو إن أبوه أو جدّه كان بيخاطب سيدي أحمد البدوي من جوّه البرزخ / وادّاهو الكتاب / قال له دي كمان برهانيه؟! دي ما أحمديه؟ / حتى آمن / كان عنده الحجج / لكن الفلوس عندكم وحُبّ الرئاسه / مجرد ما ادِّيتو التوكيل ابتدا يمشي لِورا لِورا لِورا / وجه اليوم هاديك [ذاك اليوم] برضه / حتى ما خلِّيته ادَّى درْس هنا / عشان ما يقول: الشيخ رضا عني ويمشي يشمَّر عضلاته هناك / راجل وحش / وهو على كيفه / وهسَّه كان عايز يشبكنا / يحطّنا في المربع الأول / مربَّع عاشور / عاشور في الظرف اللي احنا فيه ده / ولاَ عاشور ولاَ مجلس صوفي ولا غيره / ما في كلام زيّ ده / لأنَا جاي لِفوق / فاهمين كلامي؟ / أنا ما داير اتكلم يعني اكتر من كده / الأمور ماشيه من أَحسَن ما يكون / ووضْعنا هايكون أَحسَن وأَحسَن / وحانلقى حرِّيّتنا / وحانعمل الـ ... / وحانفتتح الصحن بتاع الجامع بتاع مولانا الحسين والسيده زينب / مش ادفع ألفين جنيه لِعاشور / وعاشور دا مين؟! مش من الأوليا / يا اخوانّا حقّه الواحد يفهم التاريخ / يفهم الشخص مظبوط / ما تبنوا الجبال / أنا ما باعرف عندكم خريج الكُتّاب والثانوي الجامعه عندكم مستواهم واحد / لكنْ كل ما الواحد يقرا فوق مداركه تكون أَوسَع / ما يتغشّاش [لا يُغَشّ] / فيه أيّ سؤال تاني؟ / الكلام ده واضح؟ / أنا باتكلم ... / ودا واجب علينا من هنا والجاي. سؤال: سيدي فخر الدين هايبعت قصايد جديده؟ مولانا الشيخ: أيوه بسم الله / لكنْ أنا ما أضمن إنها تيجي من مصر / هو ودّاها مصر عشان المصريين يصدّقوا / ما بصدّقوش / بيعتبروا نفسهم العلم / التكنولوجيا / التقدم / دا مش عارف إيه كله في مصر / بيعتبروا ديل طبقه تالته ولا رابعه / دا السودانيين / ... القصايد مش ترجع / ... القصايد كتيره / كميه كبيره / بعدين القصايد ما هي القصايد؟ / القصايد يعني ... / يا تذكَّرنا بعيوبنا / يا بتتكلم عن آل البيت / يا بتتكلم عن أيّ حاجه بتفيد الناس / لكنْ من جوّه / ما هي القصايد اللي بنشوفها دي / بعدين بالنسبه لِلقرآن والحديث دي كمان عايزه نوع من الورشه [مجموعة عمل] / علشان تربطوا ده مع ده مع ده / يكون عظمه / فيه سؤال تاني؟ سؤال: من كتْر الناس اللي قبل كده خدوا قروش المصريين ما عندهم ثقه في اللجان اللي جايه عشان يدّوهم قروش / مادِّيّاً ما عادش فيه ثقه؟ مولانا الشيخ: لا لا / دا كلام فارغ / الكلام اللي أنا باقوله ليك ده عشان ننسى اللي فات ونفتح صفحه جديده / وقُلْت لك: الشخص ده [البيسي] محلّ ثقه كبيره جدّاً / وخدم الآن / بيدفع من جيبه / سيبك من اللجان اللي فاتت دي / فيه حد عنده (حاجه) في البيسي؟ رَدّوا: ونِعْم الناس. سؤال: المطلوب بناءً على كلام حضْرتك لِلحاج محمد البيسي إن كل المرشدين يتكلموا ... عن اللجنه إن حضْرتك مؤيِّدها وننقل الكلام دا لِلإخوان عشان يبقه فيه ثقه؟ مولانا الشيخ [مقاطِعاً]: لا إله إلا الله سيدنا محمد رسول الله / المصريين متعِبين / هو لازم تجيب ورقه مختومه؟! / حتى تغيِّر مخّك / تصلَّح ... / الموضوع متوقف عليك انت / على شخصيتك / النساء قوّامون على الرجال ولاّ الرجال قوّامون على النساء؟! / قال لسَّه ثقه وما ثقه ... / ثقة إيه؟! / انت بتطلّع قروش لِسيدي ابراهيم / ما لك دخْل / دخَّلوها في خمره / دخَّلوها في قمار / دخَّلوها في الحرام / عليك تدفع بس / الكلام اللي أنا باقوله ده ... / المسئوليه كبيره / بالنسبه لِلسودان بالنسبه لمصر / بالنسبه لـ لأن نحنا الاتنين بنشيل الشيله الكبيره / الخَلْق اللي بتيجي بتمرّ عليكم انتوا في الأول / همّ يجيبوا التذكره بس / فلازم نضيِّفهم / ولازم نكْرمهم / ولازم نعمل / فآن الأوان / عندنا المطبوعات / عندنا الضيافات / عندنا المباني / المفروض يكون فيه مجمَّع في مصر / يلتقي عنده كل الأحباب / زيّ ما هنا / دلوقت البرهانيه علم على رأسه نار / الناس كلها مرتاحه مبسوطه / يعني واحد ما بنعرفه جه يوم الحوليه اشترى بمليون عيش / واحد جاب عشر خرفان [خراف = غنم] / الناس محتارين إيه اللي حاصل ده / لكنْ دا زمن سيدي ابراهيم / زيّ ما كان زمن سيدي أحمد البدوي / زيّ ما كان سيدي عبد القادر / آهو برضه كان زمانهم كده / لكنْ بتاعنا بيختلف / أصْله مختلف عكس طوالي / لأ دا اللي اختفى هنا عند المصطفى صلى الله عليه وسلم / سمّاه أبو العينين / والمصريين بيسمّوا راس الخروف / يحمّروه / يقول لك: أبو العينين [ضحك] / أستغفر الله العظيم / الله يكفينا شره ويدّينا خيره / المسئوليه كبيره / أرجع أقول تاني يلزم على كل واحد يدفع ضريبة الطريقه / أنا عارف عارف / الجنيه نازل / والمرتبات بسيطه / لكنْ دي خدمه من هناك ... / وصَّى بها الوالد / فيه ناس شغّالين ورا الكواليس / سيبك من الكلام التقيل / خطبة الجمعه كانت كيف؟ شخص يردّ: جميله. مولانا: ما عجبتهم / العجيبه الشخص اللي بيدرس في مصر يقول لك: آه انت عالِم ونحنا [نحن] عُلَمَا روح عالسودان / انت فاهم كلامي؟ / المصريين بيقولوا: انت عالِم واحنا عُلَمَا / ما في حدّ معترِف بالدرس / لكنْ لَما جينا / هسّه يوم الجمعه / الخلْق كلها روحها المعنويه مبسوطه / شايفه دا محلّ الدين / دا محلّ التصوف / دا محلّ المشايخ / دا محلّ الرسول صلى الله عليه وسلَّم / انتوا ما بتشوفوا بعيونكم هل مولانا الحسين والمصطفى صلى الله عليه وسلم راضين عنكم ولا لأ؟! / آمين آمين اللهم صلِّ وسلِّم وبارِك على سيدنا محمد وعلى آله وصحْبه أجمعين / سبحان ربك رب العزة عمّا يصفون / وسلام على المرسلين والحمد لله رب العالَمين / أَشرَف الخلْق سيدنا محمد / ... وأَلِّف بين قلوبنا جميعاً يا رب العالمين / واجعل مشايخنا راضيين عنّا في كل أحوالنا ظاهراً وباطناً / واكرمهم بكرم صاحِب الفرح / واحفظهم بحفظك المتين يا حفيظ / اللهم اشف كل مريض يا شافي / ... وآثِرْنا ولا تؤْثِر علينا / واحفظنا بحفظك المتين يا حفيظ / شي لله / آمين اللهم آمين.