الجواب : الصفات أقرب حاجة إلى الله .. وبعدين الأسماء . لأن اللي بيخاف ربنا اللي بيعرفه . وبس . سؤال : ( ملخصه ) كيف نعرف أن القلب ذاكر ؟ الجواب : القلب تحت الثدي الأيسر بأربع قراريط ، في الأول بيعمل رجه كده .. والإنسان بيكون خائف كأنه جري وراه البوليس ، ولما يستمر يومين ثلاثة وهو يراقبه بعد كده يذكر اللهْ ( بعد الخوف ده يقول اللهْ ) لما ينضبط الذكر بتاع ضبط الذكر بتاع القلب يدخل إلى الروح وهي تحت الثدي الأيمن بأربع قراريط .. الفرق ما بين ذكر القلب والروح أن ذكر الروح يمشي إلى فوق وإلى تحت ويمين وشمال وكده ( في الجهات كلها ) . وبعدين أهم حاجة في الذكر أن الإنسان يضبط الحروف كويس يقول ( لا إله إلا الله ) ـ يشدد إلاَّ ـ ولا يستعجلش .. ولما يكون في الاسم المفرد اللهْ .. اللهْ ما يستعجلش ، علشان الهم وذكر القلب بيسابقوا بعض وإذا الواحد ما انتبه بيتلخبط عليه الموضوع .
سؤال : ذكر الهم يعني أيه ؟ الجواب : جايز أي خواجة ماسك ورقة بيقرأها لسانه بيتحرك وبيقرأ فقط وقلبه ما يتحرك .. ده ذكر الهم مش ذكر القلب .. يعمل حسابه على الموضوع ده ، والحكاية رياضة ، شوية شوية تتعلم الموضوع وما يصحش الواحد يكون زي الثور بتاع الساقية اللي داير في محل واحد ، لازم يترقى .. أصول الطريقة كده .
سؤال : واحد بيحس بالنبض في عينه ، في ذراعه ، في رجله هل هذا النبض نوع من أنواع الذكر ؟ الجواب : ده بتاع الروح . بيسري في الجسم كله . بتسمعه ، الحكاية تخيل وبعدين تشوفه وبعدين تسمعه ـ تؤدي امتحاناته .. إذا صح الامتحان بتنتقل ..
سؤال : عن الذكر أثناء النوم ؟