واحدة منهم ربنا تجلى عليها فذابت بقت بحر .. سلط على البحر آلة الأسماء .. فاحتمل البحر زبداً رابياً ، نشف ، طلع زبد البحر .. الأرض ظهرت .. ده أصل الأرض وده محل بيت الله الحرام الذي هو أم القرى . خلق الملائكة حوالين هذه الأرض واحد يقرأ الصمدية .. وواحد يصلي على النبي صلى الله عليه وسلم دايرين .. دايرين .. اتشالت الأرض . من دخان الأرض خلق السماء الأولى .. ثم سوى السماء سبعة والأراضين سبعة وبعدين خلق ( العناصر ) طلع النار من الأرض ، ومن الريح خلق الروح . بقت .. النار والماء والتراب والهواء .. الأربعة دول مخلوقين من النبي صلى الله عليه وسلم ويكون كل خامات الوجود من النبي ( ص ) والفضل للأسماء الإلهية ..
سؤال : عن بعض ما جاء في الإنجيل ( الله إله أحياء ) ؟ الجواب : هو الذي في السماء إله وفي الأرض إله ، يحيي ويميت .. اللي بيحيينا ربنا ..واللي بيموتنا ربنا .. ما فيش حكاية ( إله أحياء ) ولو قلنا كده معناه الأموات عندهم أله تاني وهذا غير صحيح .
سؤال : واللي موجودين عند الله أحياء أو أموات ؟ الإجابة : إحنا أصلاً موجودين عند الله والاَّ ( بره من الله ؟ ) عند الله والمميت هو الذي يموت .
سؤال : هل مطلوب مني أن أفكر في الماضي أو المستقبل أو أكون مع الله فقط ؟ الجواب : لا ... لا تفكر في الماضي ولا في المستقبل . وهل أنت الآن ( معي ) أو ( مع الله ) ؟ - معكم ياعم الشيخ . - الحكاية مش كلام ... في السفر إلى الله ربنا جل وعلا وضح : ( من تقرب إلي شبراً تقربت إليه ذراعاً . ومن تقرب إليَ ذراعاً تقربت منه باعاً ومن أتاني ماشياً أتيته هرولة ) . و ( فروا إلى الله ) و ( السابقون السابقون ) . فالحكاية سفر إلى الله ... في حالة السفر إلى الله ، أصولياً المشايخ بيبعثوا ملائكة بتحفظ المريد علشان لا يلتفت لغير الله . ده السفر لغاية ما يروح محط الرحال ـ يلقى العتق هناك :