واحد فات الموطن ده .. دخل في الإيمان .. والإيمان العبادة فيه قلبية والتقوى وكل حاجة فيه قلبية .. واللي راح في الأعمال القلبية ما عنده ملك يكتب السيئات .. ويبقى ما علهوش حساب ... اللي مشي للإحسان وهي مرتبة روحية والعبادة فيه روحية ومعرفته تكون من الشفعاء . فأنا قلت له أنت مسكت ده ( الإسلام ) بس وخليت الاثنين دول ليه ؟ ما بال ذا اللب يطلب منهجاً خطراً من بعد ما بان بهج الرشد للساري .. هم المهم عاوزين يضيعوا على الناس ـ عاوزين الدين زي ما بيعملوا .. والدين مش كده ، الدين أن نعبد الله كما أمر ..
سؤال : وبيجيبوا الحديث أن النبي لما دخل على إحدى زوجاته ووجدها بتسبح بالحصى فقال لها : سبحان الله والحمد لله ولا إله إلا الله عدد خلقك ورضاء نفسك وزنة عرشك ومداد كلماتك .. يقولون ده نص من النبي صلى الله عليه وسلم فاحنا نقول وخلاص ؟ الجواب : قول كثير .. ده كويس .
سؤال : هما فاكرين لو قالوه مرة واحدة يبقى عدد خلقه وزنة عرشه ؟ الجواب : مرة واحدة بس ؟ ليه ؟ صحيح أن النبي صلى الله عليه وسلم قال من صلى عليَ مرة صلى الله عليه 10 مرات ، 10 = 100 ، 100= 1000 ومن صلى عليَ 1000 حرم الله حسده على النار ، لماذا لا تعمل 1000 كل يوم ؟ ليه واحد بس في اليوم ؟ طول 60 سنة تصلي على النبي مرة واحدة ؟
( من هو الشهيد )
سؤال : فيه أحاديث وردت بما يفيد من مات دون ماله فهو شهيد ، ودون عرضه فهو شهيد ، وفيه الشهيد بتاع الحرب .. نريد أن نعرف أنواعهم وهل كلهم زي بعض أو أن كل شهادة تختلف ؟ وبعدين شهيد المحبة الإلهية بتاع الأوراد وهل جسده حي والا يموت ؟ الجواب : من مات دون ماله فهو مؤمن ( فهو شهيد ما في ) ومن مات دون وطنه فهو مؤمن ، ومن مات دون عرضه فهو مؤمن . والشهادة هي إنما الجهاد في سبيل الله . والجهاد في الله أفضل .