الجواب : أي حاجة بدايتها صعب والدنيا كلها كده .
سؤال : إخوان كثير بيشكو لنا الآن .. بيقولوا في المراقبة تخيل المشايخ صعب خالص باعتبار أنهم من المحبوسين .. يعني ناس قدامى في الطريقة ومجتهدين وكل حاجة .. فهل هذا معناه مربوط بالفتح الاجتهاد يوصل ؟ الجواب : الإخوان القدام محبوسين مخصوص ، لكن الجدد بينوروا طوالي .
سؤال : أنا أقصد القدام المحبوسين دول مطلوب منهم أيه ؟ الجواب : دول يجتهدوا وبس .. في الساعة دي واحد يدي الطريقة لواحد ده يتنور وده من متنور وهذا بيعمل لخبطة .. ولازم القديم يعرف أن المشايخ ادوا ( للجديد ) تنوير علشانه هو .
سؤال : كلمة علشانه دي عاوزه توضيح .. هل فعلاً المرشد اللي ادى ناس بيكون لهم عليهم حق أو هم مكرمين بسببه ومثل هذا الكلام .. ؟ الجواب : أمال ... ازاي .
سؤال : احنا بنقول الكرم من المشايخ بس هو السبب ؟ الجواب : جدنا القديم أخذ الطريقة من الشيخ أحمد بن زروق . وبعدين أنا دخلت واحد من أقاربنا دول في الطريقة واجتهدت له ولكنه ما بقاش صالح .. أنا شفت في الرؤيا أنه بيعمل الأوراد لكنه عاوز المدد من الشيخ الحاج فضل ( جدنا القديم ) لما صحيت من النوم قلت له تعمل أورادنا وعاوز المدد من الحاج فضل .. قلت له بطل الأوراد وخلي الحاج فضل يمدك .. قعد يبكي ، قلت له إما ده وإما ده .. إما تبطل أورادنا أو تخليه هو يمدك .. وقلت له أبوك أقرب إلى الحاج فضل منك أو أنت الأقرب ؟ قال : أبويا قلت له ليه ما دوش أبوك ؟ الطريقة كده .. لما خلى الحاج فضل مدوه في الحين . وبعدين جاء الحاج فضل ( جدنا كانا ) وقال لي أنت عملت كويس ... سأعطيك عشرة ملائكة تساعد بهم الطريقة .. ويبقوا من العوالم للطريقة ..
سؤال : سيادتك قلت امبارح إن الموضوع زي الشمس لما تطلع ما تكون محتاجة لدليل .. ؟ الجواب : أيوه .
سؤال : هو سيدي إبراهيم عاوز يطلقها مرة واحدة يعني بالتدريج أو مرة واحدة ؟