الجواب : ده بتاع النبي محمد صلى الله عليه وسلم ، النبي حط رجله في الصخرة وركب البراق .. الصخرة تبعته ، قال لها قف : واقفة كده في الهواء ، سيدنا عمر بنى مسجد الصخرة ولكن ما وصلوش لغاية الصخرة . برده واقفة وموجودة .
سؤال : بيقولوا أن بيت المقدس كان فيه الهيكل بتاع سيدنا سليمان ، الهيكل ده عبارة عن أيه ؟ وهل هو تابوت السكينة والاّ حاجة ثانية ؟ الجواب : بتاع السكينة ده : المبكى ، حائط المبكى ، الواحد اللي عمل ذنوب يروح يختلي هناك ويبكي .
سؤال : هل يغفر له ؟ الجواب : الله أعلم .
سؤال : لما قالت السيدة مريم إني أعوذ بالرحمن منك إن كنت تقيا ليه الاسم ده بالذات ؟ الجواب : اختلفوا في المعنى ، بعضهم قال كان فيه شخص في البلد دي فاسق اسمه تقيا فالسيدة مريم بتتعوذ من ده .. الصوفية قالوا لا .. إذا بتتعوذ من شخص بعينه يعني إذا لقيت غيره فهي عاوزاه ـ فهي بتتعوز بالاسم المسيطر على الوجود كله ـ الدنيا اسمها موطن الربوبية والربوبية محاطة بالاسم الرحمن . فبتتعوذ من الاسم المسيطر على الوجود . إذا أنت تحت سيطرة الاسم الرحمن . أنا سأتعوذ منك بالاسم ده .
سؤال : ما معنى جد ربنا في الآية : ( وأنه تعالى جد ربنا ما اتخذ صاحبة ولا ولدا ) ؟ الجواب : العظمة .
سؤال : ما قصة تابوت السكينة ؟ الجواب : التابوت ده صندوق نزل على سيدنا موسى وفيه صورة كديه وحواه كمان مما ترك أل موسى وأل هارون وتحمله الملائكة بالسكينة .......... في بني إسرائيل في زمن سيدنا داود ارتفع وما حدش يعرف راح فين والتابوت ده كان بيتكلم ..
سؤال : ما قصة عصاية سيدنا موسى وهل هي عادية ؟ الجواب : لا لا .. فيه عصا نزلت مع سيدنا آدم من الجنة ، كانوا يتناقلوها لغاية زمن سيدنا موسى وما حدش عرف الباقي راح فين .
سؤال : هل كان عليها لمقفنجل يا عم الشيخ ؟ الجواب : هو كده .
سؤال : هل لمقفنجل اسم ملائكة ولاّ أيه ؟