الجواب : هو اترفع طوالي وربنا ألقى صورته على ياهوذا الأسخربوطي .
سؤال : ما هو عيد القيامة بتاعهم ؟ الجواب : هو ده عيد البعث في اعتقادهم أنه قام بعد الثلاثين يوماً .
سؤال : وما سبب الفتنة اللي حصلت لسيدنا عيسى ؟ الجواب : اليهود عادة لما يجي نبي بينسخ الدين الأول .. علشان عداويتهم ويتهموه بتهم كثيرة وأنها زانية وحكاية البخار .. قصة طويلة .
سؤال : وهل سيدنا عيسى كان له وزراء ؟ الجواب : 12 من الحواريين .
سؤال : والأحبار ؟ الجواب : لا لا ـ الأحبار والرهبان دول درجات .
سؤال : أمّال السبعين حواري اللي سيادتك قلت عنهم ؟ الجواب : السبعين دول حيين ، ومنظرين .
سؤال : هل فيه ناس من الحواريين دول جاءوا مصر ( بني سويف ) ؟ الجواب : مصر كلها بتاعتهم .
سؤال : ولكن سيدنا عيسى بعث في فلسطين ؟ الجواب : أيوه .. بعث في فلسطين وجاءوا مصر ( بعض الحواريين ) أصلاً مصر بتاع سيدنا يوسف وإخوته ـ وبعدين سيدنا عيسى ـ الحواريين بتوعه اتشردوا ، ناس منهم جاءوا بهنا ، بهنا يعني اسم الحواريين .
سؤال : الآية وأويناه إلى ربوة ذات قرار ومعين . قالوا المكان ده في مصر ؟ الجواب : ده في الشام .
سؤال : وبيقولوا جاء هو وأمه وقعد في مصر مدة طويلة ـ وحتى فيه في المطرية ( قرب القاهرة ) شجرة اسمها شجرة مريم بجانبها بيت قالوا كانوا قاعدين فيه .. وكلام كثير أنهم جاءوا مصر وعاشوا .. ؟ الجواب : قصصهم كلها مزيفة .
سؤال : السيدة مريم مدفونة فين ؟ الجواب : في الشام .. أصالة بلدهم خان الخليل وهو المحل المدفون فيه سيدنا إبراهيم الخليل وكل الأنبياء حواليه .. الأنبياء كلهم في الشام وسبط جدا اللي برّه .
سؤال : أمال ما هو بيت لحم ؟ الجواب : بيت لحم ده المحل اللي اتولد فيه سيدنا عيسى ، المحل اللي سكن فيه سيدنا عيسى والسيدة مريم ، محل الولادة .
سؤال : ما حكاية الصخرة المعلقة ؟