الجواب : ده ما يعتبر كده ، هو شاف رؤيا ، أيوه قال لا تقصص رؤياك على إخوتك ، ولكنه قال الرؤيا لإخواته .. وإخواته عكسوا التفسير . قالوا الولد ده لو عاش ما حيحترمنا ولا يحترم أبونا وأمنا فاحنا نضيعه ( الكواكب كناية عن : تحلي الهوى والشمس والقمر كناية عن أبوه وأمه وقل له سل النسوة اللاتي قطعن أيديهن ) ( ما بال النسوة التي قطعن أيديهن ) طلب نساء الوزراء .. قلن ما علمنا عليه من سوء . طلب امرأة العزيز قالت الآن حصحص الحق أنا راودته عن نفسه ( اعترفت ) كانت بتحبه حب شديد ومش عاوزاه في السجن . وبعدين قالوا له تعالى .. قال اجعلني على خزائن الأرض قال حتزرعون سبع سنين القمح حيكون كثير خالص . وبعدين تزرعوا سبع سنين يبقى شوية .. وبعدين سنة ما يطلع حبة واحدة . الناس حتجوع لغاية ما تبيع أولادهم .. جابوا له القمح قال اجعلوه في سنبلة لأن الدقيق المطحون إذا قعد 7 – 8 أيام يسوس واللي يمنعه من السوس أيه ، يخليه في السنابل بتاعه . خلوه في سنابله سبع سنين . الناس بقت تجيب أولادها وتقول له خذ الولد ده وهات لنا ربع أو ربعين لغاية ما اشترى الناس بتوع مصر كلها .. الناس يدوا له أولادهم ويقولوا ويأخذوا قمح .
سؤال : معنى ذلك أن الرؤيا الصالحة قد يراها الإنسان الصالح والإنسان الطالح ( الملك ) يعني ملائكة سيدنا جبريل يمكن يجيبوا الرؤيا لإنسان غير صالح ؟ الجواب : وماله .. ليس لهم دخل بالصالح والطالح .. يوصلوا الرؤيا وبس ، هم يجيبوا الرؤيات ، ملائكة تابعة لسيدنا جبريل .
سؤال : وما السر أن سيدنا يوسف طلب أنه يبقى على خزائن الأرض ؟ الجواب : هو فاهم القصة ( مش السبع بقرات ) هل البقر بيأكل بعضه ؟ وهل البقر الضعيف بيأكل البقر السمين ؟
سؤال : قصدي من السؤال أنه قال ( اجعلني ) علماً بأن النبي صلى الله عليه وسلم قال أمرنا هذا ليس لمن يطلبه ؟