الجواب : اعتمد على الأوراد .. النظرة لما يتجلى .. لأنك لو كنت مكشكش الشيخ مش حيديك نظرة .. النظرة ما مضمونة ولا تنتظرها .. المضمون الأوراد ..
سؤال : عرفنا أننا بقدر ما نقرأ من حزب السيف بقدر ما نستوعب من الأوراد أكثر ؟ الجواب : الاسم هو أهم شئ .. لقيت الاسم ولقيت الإذن به وكمان ما تعمل ؟
سؤال : مرة أخرى عن نظام القراءة ؟ الجواب : يا أخي أنا بأتكلم واضح .. أنت صليت الصبح . وبعدين تمسك الأساس وبعدين تقرأ الأحزاب . وبعدين الصلوات .. وبعدين حزب السيف 2 – 3 بعدين اعمل الفواتح .. بعدين أنت خرجت الشغل .. أثناء الشغل الله الله الله .. طوالي كل ما تلاقي فرصة أيما تكون .. وبعدين حترجع البيت .. صليت العصر واتغذيت ( ده الحاصل ) ورقدت شوية قمت صليت العصر .. تقرأ الأوراد المربوطة بعد العصر . بعد ذلك الله الله الله ده النظام المظبوط . إن هذا الدين يسير فخذوا منه برفق ـ الواحد يأخذ بقدر ما يقدر لكن أنا ذاتي باعمل كل المطلوب قبل صلاة العصر .
سؤال : لما المريد يترحل إلى ذكر القلب هل يقدر يذكر بالقلب ويعمل الأوراد الثانية باللسان ؟ الجواب : جداً ما يديش الأوراد الثانية للقلب برضه ، ده في اللسان وده في القلب .. يعني ربنا فرجها فلماذا لا تفرجها ؟
سؤال : أحياناً الواحد وهو مثلاً بيقرأ الصمدية يلاقي نفسه من غير أن يحس بيقرأ الاسم أو العكس ؟ الجواب : ومالو .. ولا حاجة يرجع زي مكان .. الشطارة أن ما في أي ورد يعطل الذكر بالاسم .. وأن ما للقلب للقلب وما للسان للسان .
( ردود على اعتراض المعترضين )
سؤال : وهل ممكن الواحد يذكر بدون شيخ ؟ الجواب : ممكن يذكر لكن ما بيفيد .
سؤال : لازم شيخ شاطر مسئول ؟ الجواب : لابد من خبير .
سؤال : ( ملخصه ) إن من أخلاق الصوفية الجوع والسهر والصمت وهل الأوراد تغني عن الجوع والصمت والسهر ؟ الجواب : الاعتزال : ما بينشغل بالناس كثير . والجوع : ما بيشبع كثير .