الجواب : أيوه ، فيه حديث كده .. ومرة النبي صلى الله عليه وسلم قال لسيدنا أبو بكر : يا ابن أبي قحافة قال له نعم يا سيدي يا رسول الله .. قال له : هل تتذكر ( يوم لا يوم ) قال نعم ، سيدنا عمر قال : أيه يوم ( يوم ) ده . قال لا أحد يعرفها ( الحاضرون قرأوا على مولانا الشيخ عبارات من كتاب الجامع الصغير للسيوطي وكتاب الإنسان الكامل بما يؤيد الثلاثة علوم وأقرها الشيخ ) .
سؤال : المعترضين مش عارفين حاجة ، وبيغالطوا في كل حاجة . وأسهل ما عندهم أنهم يقولون ده مش حديث ؟ الجواب : حتى حديث سيدنا عمر عن الإسلام والإيمان والإحسان بينكروه .. وأصول الانتقاد إنك تجيب أية أو حديث مضاد . تجيب ضدي حديث مش تقول ده مش حديث أو أن المعنى كده وخلاص .. المعترض هو اللي يجيب دليل اعتراضه .
سؤال : لا يزار الولي إلا بإذنه ـ هل هذا حديث ؟ الجواب : ده لا أعرفه .
( توضيحات دقيقة لأمور عميقة )
سؤال : بمناسبة أن المراقبة أهم من الأوراد . وبالنسبة لظروفنا من حيث العمل وعدم كفاية الوقت .. ففيه إخوان ليس عندهم الوقت للمرا قبة أو يكونوا متعبين فيكسلوا .. فهل ممكن أن يكتفى بالمراقبة عند النوم فقط ؟ الجواب : ده إذا اضطر ، لكن الواحد لازم تكون عنده همة عالية جداً . وكل واحد لازم يعرف الحاجات الخفيفة ـ والحاجات الشديدة ويكون في موضع الشديد دائماً .
سؤال : يعني يكون وهو في عمله بالنهار مراقب الشيخ برضه ؟ الجواب : زي بعضه .. ممكن .. احنا ما بنخلص ، كل عملنا في الصبح أوراد .. والضحى أوراد .. والظهر أوراد .. والعصر أوراد والمغرب أوراد والعشاء أوراد .. كنا بمجرد أن نقوم نعمل أوراد ( مولانا الشيخ ذكر الأوراد التي كان يقرأها ) .
سؤال : الأوراد للوصل والنظرة للوصل فما الفرق بين الأوراد والنظرة ؟