بني الدين واستقاما ... ولولا ضرب ماضيك ما استقام البناء بيقولوا كده .. فهمت ياعم الشيخ .. الآية دي عظيمة خالص فيها أوصاف الرؤساء في الكتب السماوية الأولانية .. والوراثة مفتوحة بس كيف؟ .. تشد حصانك وتجري. سؤال:} وَالْعَصْر إِنَّ الإِنسَانَ لَفِي خُسْر { .. برضه مش مفهومة. - الصورة دي .. أهل التفاسير بيشوفوا أن العصر هو صلاة العصر .. ومش ده هو التفسير .. الصوفية بيقولوا أن النبي صلى الله عليه وسلم كان ييجتهد علشان يهدي أعمامه اللي هو أبو لهب وأبو جهل .. وبعدين كان بيلح لغاية ما نزلت} إِنَّكَ لاَ تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء {يكون المعنى أيه؟ أنت عاوز تهديهم وفي إمكانك تهديهم علشان هو بيكره الرسول صلى الله عليه وسلم .. حتى أن أبو لهب ليلة مولد النبي صلى الله عليه وسلم كان عنده عبد له مشي بشره لما ولد الرسول صلوات الله وسلامه عليه مشي الخادم بتاعه بشره قال له: زوجة أخوك ولدت الليلة ولد جميل خالص قال له: إذا كان كلامك ده صحيح أنا بعتقك لوجه الله .. وبعدين جاء شاف فعلا لقاه زي ما قال فعتقه لوجه الله .. ودبح جمل وقسمه للمساكين فبيقولوا أن ليلة الاثنين دائما يشيلوا منه العذاب علشان العملية دي .. وبعدين .. } وَالْعَصْر {: ربنا بيقسم برسول الله من ميلاده لغاية ما يلفه الأرض بيقول له أقسمت بزمنك كله أن الإنسان اللي أنت عايز تهديه لفي خسر مش راح ينفع بالمرة .. وفضك منه .. } إِلاَّ الَّذِينَ آمَنُوا {(سيدنا أبوبكر)} وَعَمِلُوا الصَّالِحَاتِ {(سيدنا عثمان)} وَتَوَاصَوْا بِالْحَقِّ {(سيدنا علي) .. نفس الموضوع. سؤال: بالنسبة يا مولانا للشريعة وعلم الظاهر .. أئمة الشريعة الأربعة فيه اختلافات بينهم في الفروع .. فهل توجد أي أنواع من الخلافات بالنسبة لأقطاب الحقيقة الأربعة مثل أهل الظاهر؟