ــ بيكونوا منفذين للشريعة بحذافيرها ... ظاهر؟ دول برضه هم الأولياء ذاتهم ... هل حد يقدر يقول الإمام الشافعي والإمام مالك والإمام أحمد بن حنبل والإمام أبو حنيفة مش أولياء؟ اللي يعتمد أن دول مش أولياء يكون مجنون ولا يعرفش حاجة ... هم دول رؤساء الأولياء. يعني سيدنا الإمام الشافعي كل ليلة لما بيجي ينام كان يصلي بوضوء العشاء يصلي الفجر ... وصحح 80 ـــ 100 حديث عن رسول الله ... مثل ده كان نايم؟ يعني اللي يصلي بوضوء العشاء بيصلي الصبح معناه أنه ما بينامشي ... الإمام أحمد بن حنبل كان لما واحد يجن في حلة يجيبوا له المركوب بتاع الإمام أحمد بن حنبل فالجن يخاف ويشرد (جزمته تخوف الجن) واضح؟ فكلهم أولياء. سؤال: والعلماء اللي ما بينفذوش الشريعة؟ لا ... وعالم لم يعلمن ... معذب من قبل عباد الوثن (مذهبنا بيقول كده) سؤال: فيه ناس بيقولوا لنا بطلوا الدروشة دي ... فاكرين يعني الدروشة دي حاجة عيب ... ـــ الدروشة دي أحسن منهم ... وقلة الأدب بتاع الدراويش أحسن من أدبهم ... يرقص ويعبط ويبكي ويطبل ويعمل أخبر ... دول ... جاء واحد من المقطعين الذاكرين تمام لرسول الله صلوات الله وسلامه عليه، ومدومه مشروطة، قعد بجانبه وسأله أسئلة وفات ... بعد ما مشي جاء واحد نضيف خالص راكب بغل ولابس نضيف وممتزين وسال النبي برضه سؤالين ثلاثة وفات الصحابة ما احترموش الأولاني ... ولكن الثاني لما جاء قاموا وسلموا عليه. النبي قال لهم: ما رأيكم في هذا وذاك؟ قالوا: يا رسول الله ده إذا طلب منا سلفه بنسلفه، إذا عاوز يبقي ضيف عندنا بنضيفه، إذا عايز يتزوج منا بنزوجه، مهما طلب بندي له. قال لهم: وما رأيكم في ذاك (اللي هدومه مشرطة)؟ قالوا له: إذا عايز يبقي ضيف بنوريه الجامع، إذا عايز يتزوج ما بنزوجه، إذا عايز يسوي حاجة ما ندي له. قال لهم: أتعلمون ما مقدار هذا وذاك عند الله؟ قالوا: الله ورسوله أعلم ... قال لهم: ذاك (اللي هدومه مشرطة) خير من ملء الأرض من هذا.