الناس بيقولوا لنا هو يعني ما ينفعش ذكر ربنا غير (بالتفقير) فنقول لهم: ده التصوف .. يقولوا لنا أيه هو التصوف .. علمونا التصوف: فلو سمح مولانا يقول لنا أفضل ما نقوله لهم: بسم الله الرحمن الرحيم .. وبه نستعين .. نسمع عن اسم التصوف .. مثل الاسم الأهم .. جايز واحد تقول له أنا صوفي، يقول لك التصوف ده زمن النبي والصحابة ما فيش .. وفعلا ما فيش .. ولما يكون في زمن النبي ما فيش .. الصحابة ما فيش هو وإن كانش في أيام النبي عليه الصلاة والسلام مش حجة .. ليه؟ الجواب:- أي حاجة في زمن النبي صلي الله عليه وسلم ما كانش فيه .. وأهم حاجة المصحف زمن النبي ما كانت مكتوبة. الحديث ما كانت مدونة .. واضح؟ الفقه ما كنش المذاهب (مذهب الإمام أحمدـ _ مذهب الإمام مالك ـــــــ مذهب الإمام أبو حنيفة _ مذهب الإمام الشافعي) ما يكونش في زمن النبي، ولا تنقيص .. ليه؟ علشان المصحف جمع في زمن سيدنا عمر .. الأحاديث جمعت بالرواية المعتمدة في زمن سيدنا عمرو بن العاص .. وهلم جرا .. كل الأشياء الدينية حصلت بعد النبي عليه الصلاة والسلام .. كذلك اسم التصوف العلماء العاملين المجتهدين المخبتين في الدولة الفاطمية ميزوهم بلفظة التصوف وبعدين سألوني كثير من الإخوان .. قالوا: لفظة التصوف ده يعني أيه؟ الصوفية اسمهم الصوفية علشان بيلبسوا الصوف؟ قلت لهم لا .. علشان بيصطفوا للذكر؟ قلت لهم لا .. بيشبهوهم بأصحاب الصفة؟ قلت لهم لا .. قالوا أمال معني التصوف يعني أيه؟ -لو كان التصوف سموهم الصوفية للبسهم الصوف كأن البهايم أولى (أصل الصوف أولى البهايم). -لو كان علشان بيصطفوا .. فاللي بيذكر حلقات خارجهم. -لو كان بتشبههم بأصحاب الصفة .. أصحاب الصفة صحابة ونازل آيات الثلاثية ما فيش. أمال أيه معني التصوف.